اقمولادا «ادالدىق دۇكەنى» اشىلدى
دۇكەندە ساتۋشى جوق، تەك زاتتاردىڭ باعالارى كورسەتىلگەن جانە وسى جەردە جاشىك قويىلعان.
Integrity shop - «ادالدىق ساۋدا دۇكەنى» ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ دەپارتامەنتىمەن ءوزارا ءىس- قيمىل نەگىزىندە سوت عيماراتىنىڭ حولىندا اشىلدى. جوبا تالاي جىلداردان بەرى سكانديناۆيا ەلدەرىندە قولدانىلىپ كەلە جاتقان تاجىريبە بويىنشا ىسكە اسىرىلدى.
تاۋارلاردى (نان- توقاش ونىمدەرى مەن سۋسىنداردى) قوعامدىق تاماقتاندىرۋ سالاسىندا قىزمەت كورسەتەتىن كاسىپكەرلەر ۇسىنىپ وتىر.
«جوبا ازاماتتاردىڭ بويىنا پاراساتتىلىق پەن ادالدىق سياقتى مورالدىق قاسيەتتەردى دارىتۋعا تاربيەلەۋگە باعىتتالعان. وسى فاكتورلار سىبايلاس جەمقورلىقتان ارىلۋعا كومەكتەسەدى» ، - دەدى قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ دەپارتامەنتى باسشىسىنىڭ ورىنباسارى رايحان براتايەۆا.
«دۇكەندى اشىپ وتىرعان بەيتانىس ادامنىڭ سەنىمىن اقتاۋ كۇندەلىكتى قالىپتى جاعدايعا اينالۋعا ءتيىس» ، - دەپ سەندىردى سوتتار اكىمشىسى باسشىسىنىڭ ورىنباسارى سايرا شۋاقپايەۆا.
