الەمدەگى ەڭ ۇلكەن ۇشاق العاش رەت اۋەگە كوتەرىلدى
بۇل - الەمدەگى ەڭ ءىرى ۇشاق. Microsoft كومپانياسىن قۇرۋشىلاردىڭ ءبىرى 2011 -جىلى وربيتاعا جەر سەرىكتەرىن جەتكىزەتىن ۇشاق جاساۋعا كىرىسەدى.
Stratolaunch Systems Model 351 ۇشاعىنىڭ قاناتىنىڭ ۇزىندىعى 117 مەتر شاماسىندا، اۋە كەمەسىنىڭ ۇزىندىعى 53 مەتر، بيىكتىگى - 15 مەتر شاماسىندا. ەڭ جوعارى ۇشۋ سالماعى 590 توننا شاماسىندا، تەك ۇشاقتىڭ تازا ءوز سالماعى - 226 توننا.
Stratolaunch وربيتاعا عارىش اپپپاراتارىن جەتكىزۋگە ارنالعان. تاسىعىش زىمىران ەكى فيۋزەلياج اراسىنداعى ورىنعا بەكىتىلەدى.
بۇعان دەيىن اۋەگە كوتەرىلگەن الەمنىڭ ەڭ اۋىر ۇشاعى ان-225 «مريا» بولاتىن. ول 200 توننا جۇك الىپ ۇشا الادى. ۇشاق 1988 -جىلى 21 جەلتوقساندا العاش رەت اۋەگە كوتەرىلدى.
Stratolaunch ۇشاعى موحاۆە شولىندە قۇراستىرىلدى. 2017 -جىلى مامىر ايىندا ۇشاقتى جەردە سىناۋ ءۇشىن العاش رەت انگاردان شىعاردى.
ەكى جارىم ساعاتقا سوزىلعان العاشقى ۇشۋ بارىسىندا، الىپ ۇشاق ساعاتىنا 304 شاقىرىم جىلدامدىقپەن بەس شاقىرىم بيىكتىككە كوتەرىلدى. سونىمەن قاتار، بىرنەشە مانيەۆر جاسادى.
