بەلگىلى جۋرناليست ماقپال ءجۇنىسوۆاعا ارناپ كىتاپ شىعاردى

None
None
  استانا. قازاقپارات - ماقپال ءجۇنىسوۆانىڭ شىعارماشىلىق جولىنا ارنالعان كىتاپ جارىققا شىقتى. الايدا كىتاپ اۆتورى مۇلدە باسقا كىسى.

 جۋرناليست گۇلميرا ءنالىباي حالىق ءارتىسىنىڭ 55 جىلدىق مەرەيتويىنا ارناپ شىعارعان.  بۇل تۋرالى 31 - ارنا حابارلايدى.

 "ماقپال" اتتى كىتاپتى جارىققا شىعارۋ يدەياسى 2018 -جىلدىڭ سوڭعى ايلارىندا كەلدى. بيىل ماقپال اپايدىڭ 55 جىل مەرەيتويى. قانداي ەرەكشە سىي جاساسام، اپايدى قالاي قۋانتسام دەگەن ويمەن ءبىر شەشىمگە كەلدىم. كىتاپ شىعارۋ يدەياسىن قولعا الدىق"، - دەيدى اۆتور.

 وسى ۋاقىتقا دەيىن بىردە- ءبىر ەسترادا جۇلدىزىنىڭ شىعارماشىلىعىنا ارنالعان كىتاپ جارىق كورمەگەن. الايدا سوعان قاراماستان، "ماقپال" كىتابى وقىرماندار اراسىندا سۇرانىسقا يە بولماي تۇر. وعان سەبەپ - جارنامانىڭ ازدىعى. كىتاپ مىڭ دانامەن جارىققا شىقتى.

"قازىر Facebook, Instagram پاراقشالارى ارقىلى كىتاپ ساتىلىمىن جۇرگىزىپ جاتىرمىز. دۇكەندەر جەلىسىمەن دە كەلىسىم جۇرگىزىلىپ جاتىر"، - دەيدى گۇلميرا ءنالىباي.

 كىتاپتىڭ باسىلىپ شىعۋىنا 15 مىڭ دوللار قارجى جۇمسالعان. باسىلىمنىڭ ءبىر ەرەكشەلىگى مۇقاباسىنداعى "ماقپال" ءسوزى التىنمەن اپتالىپ جازىلعان.

 "كىتاپتىڭ ساپاسى وتە جوعارى، ىشىندەگى قاعازدارىنىڭ ءوزى وتە قۇندى، باعالى"، - دەيدى گۇلميرا ءنالىباي.

سوڭعى جاڭالىقتار