الەمنىڭ تۇڭعىش عارىشكەرى گاگارين ءومىرىنىڭ بەلگىلى جانە بەلگىسىز تۇستارى

None
None
 نۇر-سۇلتان. قازاقپارات - بۇگىن 12 -ءساۋىر - عارىشكەرلەر كۇنى. تۇڭعىش عارىشكەر يۋري گاگارين قازاقستاننىڭ وڭتۇستىك-باتىسىنداعى بايقوڭىر ايلاعىنان 1961 -جىلى 12 -ساۋىردە تۇڭعىش رەت عارىشقا كوتەرىلگەن.

گاگاريننىڭ تۋعانىنا بيىل 85 جىل تولدى. ەڭبەك جولىن قاراپايىم جۇمىسشى بولىپ باستاعان گاگاريننىڭ كارەراسى وتكەن عاسىردىڭ 60- جىلدارى كۇرت شارىقتاپ، سوۆەت وداعىنىڭ باتىرىنا اينالدى. 1968 -جىلى ۇشاق اپاتىنان قازا تاپتى. ۇشاقتىڭ نە سەبەپتى قۇلاعانى الى كۇنگە دەيىن بەلگىسىز.

 

وزەن جاعاسىندا  ايەلى ۆالەنتينا جانە قىزى ەلەنامەن بىرگە دەمالىپ وتىرعان يۋري گاگارين. ماۋسىم ايى، 1960 -جىل.

 

گاگارين رەسەيدىڭ سمولەنسك وبلىسى كلۋشينا اۋىلىندا 1934 -جىلى 9 -ناۋرىزدا دۇنيەگە كەلگەن. مىنا سۋرەت 1946 -جىلى گجاسكىدە تۇسىرىلگەن. بۇل جاققا گاگاريننىڭ وتباسى سوعىستان كەيىن كوشىپ بارعان.

 

بوزبالا شاعىندا ۆوللەيبول كومانداسىنىڭ قۇرامىندا بولعان گاگاريننىڭ (سول جاقتا ەڭ ءبىرىنشى بولىپ تۇر) بويى 157 س م بولعان. باكەنە بويلى گاگاريننىڭ بويىنىڭ قىسقالىعى وعان ۇشۋ كەزىندە قولايسىزدىق كەلتىرگەنى جايلى دەرەك ايتىلادى.

 

ليۋبەرەسكىدەگى قۇرىش قۇيۋ زاۋىتىندا جۇمىس ىستەپ جاتقان گاگارين. ول كاسىپتىك مەكتەپتى قۇرىش قۇيۋشى رەتىندە تامامداپ، كەيىنىرەك ساراتوۆ تەحنيكالىق كوللەدجىنە ءتۇستى. وندا تراكتور ماماندىعىن الىپ شىقتى.

 

گاگارين ساراتوۆتا وقىپ جۇرگەن كەزدە جەرگىلىكتى ۇشقىشتار كلۋبىنا مۇشە بولعان. 1955 -جىلى تۇسىرىلگەن مىنا سۋرەتتە گاگارين ۇشاق قاناتىندا تۇرىپ تۇر. كەيىنىرەك ورىنبور ۇشقىش مەكتەبىنە باردى. گاگارين جاقسى وقىعان، ءبىراق ۇشاقتى قوندىرۋعا كەلگەندە قينالعان. سونىڭ سالدارىنان ءتىپتى وقۋدان دا شىعارىلا جازداعان. ونىڭ بويىنىڭ قىسقالىعى كابينادا وتىرعان كەزدە تەرەزەنى تۇتاس كورۋگە كەدەرگى كەلتىرگەن. ماقتاسى قالىڭ ورىندىق ۇشاقتى دۇرىس قوندىرۋعا كومەكتەسكەن.

 

بايقوڭىر عارىش ايلاعىندا كيىنگەن گاگارين. 1961 -جىلى 12 -ساۋىردە ول ۆوستوك-1 عارىش كاپسۋلاسىمەن جەر وربيتاسىن ءبىر رەت اينالىپ شىقتى.

 

سوۆەت وداعىنىڭ باسشىسى نيكيتا حرۋشەۆ جانە گاگاريننىڭ اتا-اناسى اننا مەن الەكسەي ماسكەۋدەگى ۆنۋكوۆو اۋەجايىندا گاگاريننىڭ كەلۋىن كۇتىپ تۇر. 14 -ءساۋىر 1961 -جىل.

 

يۋري گاگارين مەن نيكيتا حرۋشەۆ ماسكەۋدەگى سالتاناتتى شارادا. 14 -ءساۋىر 1961 -جىل.

 

يۋري گاگاريندى باتىر رەتىندە قارسى العان سمولەنسك تۇرعىندارى. 16 -ماۋسىم 1961 -جىل.

 

عارىشكەر كۋبا كوسەمى فيدەل كاسترومەن سويلەسىپ تۇر. گاۆانا، 23 -ماۋسىم 1961 -جىل.

 

ەليزاۆەتا  II پاتشايىممەن تۇسكى اس ىشكەن لوندونداعى بۋكينگەم سارايىنان كەتىپ بارا جاتقان گاگارين. 14 شىلدە 1961 -جىل.

 

1960 -جىلدارى يۋري اتى سوۆەت وداعىنداعى ەڭ ءجيى قويىلاتىن ەسىمدەردىڭ بىرىنە اينالدى.

 

گاگارين عارىشكەر ۆالەنتينا تەرەشكوۆا مەن اندريان نيكولايەۆتىڭ تويىندا قۇتتىقتاۋ ايتىپ جاتىر. 3 قاراشا 1963 -جىل.

 

گاگارين جا نە ونىڭ ارىپتەستەرى ۆلاديمير كوماروۆ، اندريان نيكولايەۆ اڭ اۋلاپ ءجۇر. قازان ايى، 1964 -جىل.

 

گاگارين قىزى ەلەنانى كوتەرىپ تۇر. 10 -ناۋرىز 1964 -جىل.

 

كرەمل سارايىندا بيلەگەن گاگارين جا نە ونىڭ ايەلى. ماسكەۋ، 1 -قاڭتار 1965 -جىل.

 

يۋري گاگارين جانە عارىشكەر الەكسەي لەونوۆ ماسكەۋدەگى جۇلدىزدى قالاشىققا جاس مامانداردى قابىلداۋعا وراي ۇيىمداستىرىلعان مەرەكەلىك كەشتە. 12 -ءساۋىر 1965 -جىل.

 

يۋري گاگارين چەحوسلوۆاكيادان كەلگەن ءتۇسىرىلىم توبىنا سۇحبات بەرىپ وتىر. ماسكەۋ، 18 -قازان 1965 -جىل.

 

وتباسىمەن بىرگە جاڭا جىلدى تويلاپ جاتقان يۋري گاگارين. 31 -جەلتوقسان 1965 -جىل.

 

گاگارين ماسكەۋدەگى جۋكوۆسكي اتىنداعى اۋە كۇشتەرى ينجەنەرلىك اكادەمياسىندا ساباق بەرىپ جاتىر. 19 -اقپان 1966 -جىل.

 

يۋري گاگاريننىڭ جەسىرى ۆالەنتينا گاگارينا كرەملدەگى جەرلەۋ راسىمىندە كۇيەۋىنىڭ سۋرەتىنە قاراپ تۇر. گاگارين جانە جانىنداعى ەكىنشى ۇشقىش جاتتىعۋ كەزىندە ۇشاق اپاتىنا ۇشىراپ، قايتىس بولدى. اپاتتىڭ سەبەبى ءالى كۇنگە دەيىن بەلگىسىز. 30 -ناۋرىز 1968 -جىل.

سوڭعى جاڭالىقتار