تارازدىق وقۋشىلار مال باعۋعا ارنالعان قۇرىلعىنى جەتىلدىرىپ شىعاردى

None
None
تاراز. قازاقپارات - تارازداعى نازاربايەۆ زياتكەرلىك مەكتەبىنىڭ 12- سىنىپ وقۋشىلارى بەكنۇر قالماحانبەت پەن داۋرەن تەنەلبايەۆ كورەيانىڭ Lives'talk كومانداسى ويلاپ تاپقان قۇرىلعىنىڭ جەتىلدىرىلگەن ۇلگىسىن ۇسىندى، دەپ حابارلايدى قازاقپارات ءتىلشىسى.

ايتا كەتەيىك، بۇعان دەيىن وڭتۇستىك كورەيانىڭ Lives'talk كومانداسى جانۋارلاردىڭ جايىلىمداعى ورنىن بىرنەشە سەكۋند ىشىندە انىقتايتىن زاماناۋي قۇرىلعى جاساپ شىعارعان بولاتىن. وسىلايشا، ماماندار مالدى ىزدەۋگە 5-6 ساعاتقا جۋىق ۋاقىت جۇمسايتىن قازاقستاندىق فەرمەرلەردىڭ ماسەلەسىن شەشتى. الايدا قۇرىلعىنى تەستىلەۋ كەزىندە ونىڭ اۆتونومدى قىزمەت ەتۋ مەرزىمى تومەن ەكەندىگى انىقتالعان. ال تارازدىق ونەرتاپقىشتار GPS Tracker ءدى ەلەكتر ەنەرگياسىمەن ۇزدىكسىز قامتاماسىز ەتۋگە مۇمكىندىك بەرەتىن جەلىلىك گەنەراتور قۇراستىردى.

«جوبا اياسىندا بالالار ەكى جىلعا جۋىق ەڭبەك ەتتى. بىرنەشە جىلدان كەيىن ولاردىڭ ەڭبەگى وتاندىق فەرمەرلەرگە ۇلكەن پايدا اكەلەدى دەپ ۇمىتتەنەمىن» ، - دەيدى وقۋشىلاردىڭ عىلىمي جەتەكشىسى، فيزيكا ءپانىنىڭ ءمۇعالىمى ميرلان جۋسامبايەۆ.

سونداي- اق، جاز ايلارىندا العىر وقۋشىلار Lives'talk كومانداسىمەن بىرگە قازاقستاننىڭ وڭتۇستىك ايماقتارىنداعى بىرنەشە فەرما اۋماعىندا قۇرىلعىنى سىناقتان وتكىزۋدى جوسپارلاپ وتىر.

 «1 مەترگە دەيىنگى دالدىكپەن ونلاين مونيتورينگ جۇرگىزۋ مۇمكىندىگى بار، جانۋار موينىنان قارعىباۋ شەشىلگەن جاعدايدا يەسىنىڭ سمارتفونىنا SMS حابارلاما كەلەدى. زەرتتەۋ ناتيجەلەرى GPS Tracker ءدى اۋىل شارۋاشىلىعىندا عانا ەمەس، جابايى جانۋارلاردىڭ ميگراتسياسىن زەرتتەۋدە دە پايدالانۋعا بولاتىنىن كورسەتتى» ، - دەيدى جاس ونەرتاپقىشتار.

وڭتۇستىك كورەيانىڭ ستارتاپەرلەرى قازاقستاندىق وقۋشىلاردىڭ جاڭالىعىنا قىزىعۋشىلىق تانىتىپ، ونى جۇزەگە اسىرۋداعى شىعىنداردى ءوز مويىندارىنا الۋعا دايىن ەكەنىن جەتكىزدى.

Тараздық оқушылар мал баÒ

سوڭعى جاڭالىقتار