قالامقاس كەن ورنىنداعى اپات سالدارى قانداي

None
None
 اقتاۋ. قازاقپارات - قالامقاس كەن ورنىندا بولعان اپات سالدارىنان قورشاعان ورتاعا 98,7 ميلليون تەڭگە كولەمىندە زالال كەلگەن. وبلىستىق ەكولوگيا دەپارتامەنتىنىڭ ماماندارى وسىلاي دەپ مالىمدەدى، دەپ حابارلايدى قازاقپارات ءتىلشسى.

جوسپاردان تىس جۇرگىزىلگەن تەكسەرىس ناتيجەسىندە 4 اكىمشىلىك ءىس قوزعالىپ وتىر. ياعني، قىلمىستىق كودەكستىڭ 327, 328, 332 جانە 337 باپتارى بويىنشا كىنالىلەر جاۋاپكەرشىلىككە تارتىلادى. دەپارتامەنت ەكولوگيالىق رەتتەۋ جانە باقىلاۋ كوميتەتىنە ۇسىنىس جولداعان. ەندى ەكولوگيالىق اۋديت جۇرگىزۋ مىندەتتەلمەك. اۋديت بويىنشا اپاتتىق جاعدايلارعا جول بەرمەۋ جاعىن قاراستىرۋ كوزدەلگەن.

«بۇرعىلاۋ جۇمىستارىن جۇرگىزگەن «سەبۋ» ج ش س- نە مىندەتتەمە قويدىق. ياعني، ولار ماۋسىم ايىنا دەيىن وقيعا ورنىنداعى اپات سالدارىن جويىپ، لاس توپىراقتى، سۋدى تازالاۋ جۇمىستارىن جۇرگىزىپ، قالپىنا كەلتىرۋ جۇمىستارىن اياقتاۋى ءتيىس. سونىمەن قاتار، سوت تارتىبىمەن ءبىز بەرگەن مەملەكەتتىك ساراپتاما قورىتىندىسى جانە ەكولوگيالىق رۇقسات قۇجاتتارىنىڭ كۇشىن جويۋ جۇمىستارىن قولعا الىپ جاتىرمىز» ، - دەيدى ماڭعىستاۋ وبلىستىق ەكولوگيا دەپارتامەنتى باسشىسىنىڭ مىندەتىن اتقارۋشى رۋسلان توكەنوۆ.

ايتا كەتەيىك، وسىعان دەيىن قالامقاس كەن ورنىندا بولعان اپات تۋرالى جازعان بولاتىنبىز.

سوڭعى جاڭالىقتار