عالىمجان ءابدىرايىموۆ تالدىقورعانعا اكىم بولىپ تاعايىندالدى

ال بۇعان دەيىن تالدىقورعان قالاسىنىڭ اكىمى بولعان داستان شالتابايەۆ الماتى وبلىسىنىڭ اكىمى اماندىق باتالوۆتىڭ كەڭەسشىسى قىزمەتىنە تاعايىندالدى. بۇل جونىندە تالدىقورعان قالاسى اكىمىنىڭ باسپا ءسوز حاتشىسى دانيار جانىس ءمالىم ەتتى.

ايتا كەتەيىك، داستان شالتابايەۆ تالدىقورعان قالاسىنىڭ اكىمى بولىپ ءبىر جىل عانا ىستەدى. ول بۇل قىزمەتكە 2018 -جىلدىڭ مامىر ايىندا تاعايىندالعان ەدى.

 عالىمجان ءابدىرايىموۆ 1965 -جىلى تۋعان، ءبىلىمى جوعارى. 1988 -جىلى جامبىل گيدرومەليوراتيۆتىك- قۇرىلىس ينستيتۋتىن «ينجەنەر- قۇرىلىسشى»، 2003 -جىلى «تۇران» ۋنيۆەرسيتەتىن «زاڭگەر» ماماندىقتارى بويىنشا بىتىرگەن. ەڭبەك جولىن 1987 -جىلى «شىعىس» ۇجىمشارىندا قۇرىلىس ۋچاسكەسىنىڭ شەبەرى بولىپ باستاعان.

1991-1998 -جىلدارى لۋگوۆوي اۋداندىق اتقارۋ كوميتەتى جانىنداعى ساۋلەت- جوسپارلاۋ بيۋروسىنىڭ تەحنيك- قۇرىلىسشىسى، «الراي» شارۋا قوجالىعىنىڭ ءتوراعاسى، «التاير» ج ش س ساۋلەت- قۇرىلىس فيرماسىنىڭ اتقارۋشى ديرەكتورى بولعان. 1998-2002 -جىلدارى الماتى قالالىق ليسەنزيالاۋ، ساۋلەت- قالا قۇرىلىسى قىزمەتىنىڭ ساراپشىسى، باس مامانى، ءبولىم باستىعى، ديرەكتورى، الماتى وبلىسى بويىنشا ساۋلەت- قۇرىلىس باقىلاۋ جانە ليتسەنزيالاۋ اۋماقتىق باسقارماسىنىڭ باستىعى، استانا قالاسى بويىنشا يندۋستريا، ساۋدا جانە شاعىن بيزنەستى قولداۋ دەپارتامەنتى ديرەكتورىنىڭ ورىنباسارى بولدى. 2003-2009 -جىلدارى الماتى وبلىسىنىڭ مەملەكەتتىك ساۋلەت- قۇرىلىس باقىلاۋ باسقارماسىنىڭ باستىعى، 2009-2013 -جىلدارى ق ر قۇرىلىس جانە تۇرعىن ءۇي- كوممۋنالدىق شارۋاشىلىق ىستەرى اگەنتتىگىندە باسقارما باسشىسى، دەپارتامەنت ديرەكتورى - ق ر مەملەكەتتىك قۇرىلىس ينسپەكتورى لاۋازىمدارىن اتقاردى.

2013-2014 -جىلدارى ق ر وڭىرلىك دامۋ مينيسترلىگى قۇرىلىس جانە تۇرعىن ءۇي- كوممۋنالدىق شارۋاشىلىق ىستەرى كوميتەتى ءتوراعاسىنىڭ ورىنباسارى، 2014-2015 -جىلدارى الماتى وبلىسى اكىمى اپپاراتىنىڭ باسشىسى، 2015-2017 -جىلدارى الماتى وبلىسى اكىمىنىڭ ورىنباسارى بولدى. 2018 -جىلدىڭ ءساۋىر ايىنان وسى ۋاقىتقا دەيىن تاراز قالاسىنىڭ اكىمى قىزمەتىن اتقاردى.

اۆتور: سامال قابىشيەۆا