جەلىگە تەرمينسىماقتاردى ادەيى سالادى - ساۋىتبەك ءابدىراحمانوۆ

None
None
نۇر- سۇلتان. قازاقپارات - ق ر پارلامەنت ءماجىلىسىنىڭ دەپۋتاتى ساۋىتبەك ءابدىراحمانوۆ الەۋمەتتىك جەلىلەرگە سالىناتىن كەيبىر تەرمينسىماقتارعا سەنبەۋگە شاقىردى، دەپ حابارلايدى قازاقپارات ءتىلشىسى.

«قازىر الەۋمەتتىك جەلىلەردە كەلەكە قىلاتىن «قىلتيما - بالكون»، «شاپتىرما - فونتان»، «سارى قيسىق - بانان»، «بىلقيما، سىلقيما - ديۆان، كرەسلو» دەگەن سياقتى تۇرپايى تەرمينسىماقتار تەرمينكومدا بەكىتىلۋ تۇرماق، قارالعان دا ەمەس، قارالۋ تۇرماق، ونداي ۇسىنىس جاسالعان دا ەمەس. تەرميننىڭ ماڭىندا جۇرگەن ادامدار ونداي ارزان اڭگىمەگە بارمايدى. سوندىقتان بۇندايدى الەۋمەتتىك جەلىگە قازاق ءتىلىن مازاق ەتۋ ءۇشىن ادەيى سالاتىن ارانداتۋشىلىق ەكەندىگىن ءبىز ءبىلىپ وتىرۋىمىز كەرەك»، - دەدى س. ءابدىراحمانوۆ.

دەپۋتاتتىڭ ايتۋىنشا، تەرمينكومنىڭ ۇزاق جىلدىق جۇمىسى زور. 31 تومدىق تەرمينولوگيالىق سوزدىك شىقتى. وعان مەملەكەتتىك سىيلىق تا بەرىلدى. ءاربىر تومدا 13-14 مىڭ تەرمين بار.

«سوندا تاسقا باسىلىپ، دەفينيتسيالانعان تەرميندەردىڭ ءوزى شامامەن 400 مىڭنىڭ ماڭايىندا. قازىر دە تەرمينكومنىڭ جۇمىسىنا وتە جاقسى تاجىريبە ەندى. ول - ءار سوزگە تۇرىك، ازەربايجان، قىرعىز، وزبەك، تۇرىكمەن، اعىلشىن، فرانسۋز، يسپان تىلدەرىندەگى بالامالارىن قوسىپ بەرۋ. سولاردى قاراپ وتىرعان كەزدە ءبىز قىرعىز اعايىنداردىڭ، وزبەك اعايىنداردىڭ، تۇرىكمەن اعايىنداردىڭ تەرميندەرىنەن الدەقايدا عىلىمي نەگىزدى تەرميندەردى جاساي الامىز»، - دەپ اتاپ كورسەتتى س. ءابدىراحمانوۆ.

 ايتا كەتەيىك، بۇگىنگى جيىندا پروفەسسور شەرۋباي قۇرمانباي ۇلى تەرمينولوگيانىڭ وزەكتى ماسەلەلەرىن اتاپ ءوتتى. وسى ورايدا عالىم تەرمينكومنىڭ قۇزىرەتىن كۇشەيتۋ كەرەك دەپ سانايدى.

بۇدان بولەك، تەرميندەردى تاڭداعاندا باسشىلىقتىڭ بەدەلى باسىم بولىپ كەتەدى.

ال احمەت بايتۇرسىنوۆ اتىنداعى ءتىل ءبىلىمى ينستيتۋتىنىڭ ديرەكتورى، پروفەسسور ەردەن قاجىبەك تەرمينولوگيا سوزدىكتەرىن شىعارۋ جوسپارلارى تۋرالى ايتتى.

اسىعىس اۋدارىلعان تەرميندەر دە جاريالاندى.

 اۆتور: ارمان اسقاروۆ

سوڭعى جاڭالىقتار