گرەكيادا ءسابي ءۇش اتا- انادان تۋدى

استانا. قازاقپارات - گرەكيادا الەمدە العاش رەت ءۇش اتا- انادان ءبىر بالا تۋدى. دارىگەرلەر ءبىر ەر ادام مەن ەكى ايەلدىڭ جىنىس جاسۋشاسىنان ەمبريون الدى.

ەمبريوندى وزگە ايەلگە اۋىستىرىپ سالدى، بالا 2,9 كەلى سالماقپەن ومىرگە كەلدى. دەنساۋلىعى جاقسى.

دارىگەرلەردىڭ ايتۋىنشا، بالا بوسانعان ايەل بۇعان دەيىن 5 رەت جاساندى ۇرىقتاندىرۋ ءادىسىن جاساتىپ كوردى.

 ونىڭ بالا كوتەرە الماۋىنا ميتوحوندريالدى ديسفۋنكتسيا سەبەپ بولدى. ونىڭ جۇمىرتقا جاسۋشاسى ۇرىق بولە العانىمەن، ۇرىقتانۋعا قاۋقارسىز بولدى.

 ينستيتۋت ماماندارى بۇل ءادىستى يسپانيالىق ماماندارمەن بىرلەسە وتىرىپ، بەس جىل بۇرىن جانۋارلارعا جۇرگىزىپ كورگەن. بۇل دەگەنىمىز - د ن ك ميتوحوندرياسىن اۋىستىرىپ سالۋ دەگەندى بىلدىرەدى. د ن ك ميتوحوندرياسى دونور ايەلدەن انانىڭ جۇمىرتقا جاسۋشاسىنا دەيىنگى ەنەرگيانى رەتتەيدى. وسىلايشا ەكى اتا- انانىڭ گەنەتيكالىق ماتەريالىن ساقتايدى.

 زەرتتەۋگە تاعى 24 ايەل قاتىستى. تاعى 8 ەمبريون اۋىستىرىپ سالۋعا دايىن.

 كوپتەگەن ساراپشىلار بۇل ءادىستىڭ ەتيكالىق ادىسكە جاتپايتىنىن، كوپشىلىك اراسىندا داۋ تۋعىزاتىنىن ايتادى.  ۇلىبريتانيا عالىمدارى بۇل ءادىستى قولدانۋعا العاش بولىپ 2018 -جىلى رۇقسات الدى.