تاۋەكەل ءمۇسلىمنىڭ ورنىن باسقان كەلبەتتى جاس اكتەر كىم؟

 استانا. قازاقپارات - ەركە ەسماحاننىڭ «ايەروپورت» بەينەبايانىنا تۇسكەننەن كەيىن ەرىك حاميدۋللايەۆ كوپشىلىككە تانىمال بولدى.

 قازىردە وتاندىق اكتەر تەلەحيكايالار مەن فيلمدەردە ءجيى بوي كورسەتىپ ءجۇر. جۇرت ونى تاۋەكەل ءمۇسلىمنىڭ ورنىن باسۋشى، قازاق كينەماتوگرافياسىنداعى جاڭا سەرپىن دەگەن باعا بەرۋدە.

 

ەرىك حاميدۋللايەۆ تالدىقورعان قالاسىندا 1993 -جىلى دۇنيەگە كەلگەن.

 

الماتى ەسترادا جانە سيرك كوللەدجىن «اكتەرلىك شەبەرلىك» ماماندىعى بويىنشا وقىعان. وقۋىن ءتامامداعان سوڭ وسكەمەندە اسكەري بورىشىن وتەگەن.

 

«اكەمنىڭ جولىن قۋىپ، مەن دە اسكەردە بورىشىمدى وتەدىم. بۇل ءۇردىس ۇزىلمەسە ەكەن دەپ تىلەيمىن، مەنىڭ بولاشاق بالالارىم دا اسكەردەن قاشپاۋىن قاداعالايمىن» - دەيدى ەرىك.

  

جاس اكتەر كاسىبي تۇردە كۇرەسپەن جانە بوكسپەن اينالىسقان. اسكەردەن ورالعان سوڭ باۋىرجان ابىشيەۆتىڭ كاسكادەرلەر توبىندا ونەر كورسەتكەن. كوماندادا ءجۇرىپ بەينەبايان، كليپتەرگە تۇسە باستاعان.

 

سونىمەن قاتار ول فورتەپيانودا جانە گيتارادا وينايدى. «اسكەردە ءجۇرىپ ءتۇرلى جيىنداردا ونەر كورسەتتىم، سول كەزدە ءوزىمنىڭ ونەرسىز ءومىر سۇرە المايتىنىمدى ءتۇسىندىم» - دەيدى جاس اكتەر.

 

اكتەر وتاندىق انشىلەردىڭ بىرنەشە بەينەبايانىنا، «اعا» ، «قارلىعاش ۇيا سالعاندا» تەلەحيكايالارىنا جانە «ى Love Taldykorgan» ميۋزيكلىنە تۇسكەن.

 

 

قازىرگى تاڭدا اكتەردىڭ Instagram پاراقشاسىنا 118 مىڭنان استام وقىرمان جازىلعان.

 وتاندىق باسىلىمداردىڭ بىرىنە بەرگەن سۇحباتىندا اكتەر سۇيىكتىسى جوق ەكەنىن ايتقان. «شىنى كەرەك، ماعان سىرت كەلبەتى دە، مىنەزى دە ساي بولۋى ماڭىزدى. قىزدىڭ بويى ۇزىن، ارىقشا كەلگەن، تاربيەلى، ءوز ەرىن سىيلايتىن بولعانى ءجون» دەيدى ەرىك حاميدۋللايەۆ.