22:32, 11 - ءساۋىر 2019 | GMT +6
قىتايلىق بلوگەر قىز قىزىل ورامال تاققانى ءۇشىن جازالاندى
نۇر-سۇلتان. قازاقپارات - تانىمال قىتايلىق بلوگەردى بالىق ۇستاۋ كەزىندە قىزىل ورامال تاعىپ، ۆيدەوعا تۇسكەنى ءۇشىن جازالادى، - دەپ حابارلايدى Inkstonenews پورتالى.
سىچۋان پروۆينسياسىندا تۇراتىن Tang نيگىمەن تىركەلگەن قولدانۋشى Kuaishou پلاتفورماسىندا بەينەروليك جاريالاعان.
پوليتسەيلەر قىزدىڭ موينىنا تاققان ورامالىنا نازار اۋداردى - بۇل Young Pioneers (پيونەرلەر قوزعالىسى) كوممۋنيستىك جاستار ۇيىمىنا تيەسىلى. «Tang ارەكەتى - بۇل پاتريوت- ازاپتالۋشىلاردىڭ ءارۋاعىن قورلاۋ، ولار حالىق ءۇشىن قوزعالىس ۇيىمداستىردى»، - دەدى پوليتسيا وكىلدەرى.
قىزىل ورامال ءۇشىن قىز بالا 12 كۇنگە قاماۋعا الىندى جانە ول مىڭ يۋان (شامامەن 55 مىڭ تەڭگە) ايىپپۇل تولەيتىن بولادى. بلوگەردىڭ اككاۋنتى پلاتفورمادان ءوشىرىلدى. باسىلىم قىزىل ورامالدىڭ ءمانى تۋرالى قىتايلىقتار ەرتە بالالىق شاقتا بىلەتىنىن جازادى. اتا-انالار بالالاردى وسى نارسەگە قۇرمەتپەن قاراۋعا ۇيرەتەدى، ويتكەنى قىزىل ءتۇس كوممۋنيزم ازاپتالۋشىلارىنىڭ قانىن بەينەلەيدى.
