قىتايدىڭ ءىرى مۋزەيىنە «التىن ادام» قويىلدى

بەيجىڭ. قازاقپارات - بۇگىن بەيجىڭدە اشىلعان «جىبەك جولى بويىنداعى مەملەكەتتىك مۋزەيلەردىڭ يگىلىگى» كورمەسىنە «التىن ادام» مەن قازاقستان ۇلتتىق مۋزەيىنىڭ باسقا دا جادىگەرلەرى قويىلدى، دەپ حابارلايدى قازاقپاراتتىڭ مەنشىكتى ءتىلشىسى.

جادىگەرلەر ق ح ر- داعى ەڭ ءىرى جانە الەمدە ادامدار ەڭ ءجيى باراتىن مۋزەي - قىتاي ۇلتتىق مۋزەيىندە ۇسىنىلدى. قازاقستانمەن قاتار، رەسەي، موڭعوليا، تاجىكستان، رۋمىنيا، سلوۆەنيا، پولشا، لاتۆيا، ومان، كامبودجا، جاپونيا جانە وڭتۇستىك كورەيا مۋزەيلەرى ءوز ارتەفاكتىلەرىن كورسەتتى.

«ءبىز مۇندا «التىن ادام» جيناعىنىڭ ەڭ از بولىگىن الىپ كەلدىك. مەملەكەت قولداۋىنىڭ ارقاسىندا ءبىزدىڭ كوللەكسيامىز ۇدايى ءوسىپ وتىرادى. قازىرگى ۋاقىتتا قازاقستان اۋماعىنداعى ارحەولوگيالىق قازبا جۇمىستارىنىڭ بارىسىندا جەتىنشى «التىن ادام» تابىلدى. ءبىز بيىل «التىن ادامنىڭ» الەم مۋزەيلەرىن ارالاۋى» حالىقارالىق جوباسىنىڭ اياسىندا «التىن ادامدى» رەسەيدە (تاتارستان)، وڭتۇستىك كورەيا مەن وزبەكستاندا كورسەتتىك. ءارى قاراي ونى يتاليا، مالايزيا، ماكەدونيا، ۇلى بريتانيا، تۇركيا جانە گرەكيادا ۇسىناتىن بولامىز»، - دەدى ق ر ۇلتتىق مۋزەيى حالىقارالىق بايلانىستار ءبولىمىنىڭ مەڭگەرۋشىسى گۇلنار ماحمەتوۆا قازاقپاراتقا بەرگەن سۇحباتىندا.

    

كورمە 2019 -جىلدىڭ 14 -شىلدەسىنە دەيىن جالعاسادى. قازاقستان وسى ءىس-شاراعا «رۋحاني جاڭعىرۋ» باعدارلاماسىن جۇزەگە اسىرۋ اياسىندا ق ح ر- داعى ق ر ەلشىلىگىنىڭ قولداۋىمەن قاتىسىپ جاتىر.

 

اۆتور: سادىق اكەجانوۆ