قازاقستان تاراپىنان تاجىكستانعا اسكەري- تەحنيكالىق كومەك نە ءۇشىن كورسەتىلەدى
كەلىسىمگە 2018 -جىلى 27 - جەلتوقساندا ق ر پرەزيدەنتىنىڭ تاپسىرماسىن جانە تاجىكستاندىق تاراپتىڭ اسكەري- تەحنيكالىق كومەك كورسەتۋ جونىندەگى سۇرانىمىن جۇزەگە اسىرۋ ماقساتىندا قول قويىلدى.
«تاجىكستانعا اسكەري- تەحنيكالىق مۇلىكتى بەرۋ قازاقستان قارۋلى كۇشتەرىنىڭ جاۋىنگەرلىك دايارلىعى مەن ەلىمىزدىڭ قورعانىس قابىلەتتىلىگىنە ەش اسەرىن تيگىزبەيتىنىن اتاپ وتكەن ءجون. سەبەبى بەرىلەتىن مۇلىك ءبىزدىڭ قويمالارىمىزدا قاجەتتى كولەمدە بار. تاجىك- اۋعان شەكاراسىنا ىرگەلەس اۋداندارىنداعى قاۋىپسىزدىك سالاسىنداعى جاعدايى شيەلەنىسۋىنە بايلانىستى اسكەري- تەحنيكالىق كومەك كورسەتۋ - تاجىكستان قارۋلى كۇشتەرىنىڭ وسى قاۋىپتەردى قايتارۋعا دەگەن مۇمكىندىكتەرىن ارتتىرادى جانە ورتالىق ازيا ءوڭىرىنىڭ قاۋىپسىزدىگىن كۇشەيتۋگە ىقپال ەتەدى»، - دەدى ق ر قورعانىس ءمينيسترىنىڭ ورىنباسارى تالعات مۇحتاروۆ.
ونىڭ سوزىنە قاراعاندا، تاجىكستاندىق تاراپ اسكەري مۇلىكتى نەمەسە ونى پايدالانۋ قۇقىن ءۇشىنشى تاراپقا بەرمەيدى.
«قۇجات تاجىكستان تاراپىنا اسكەري مۇلىكتى، ياعني وق- دارىلەردى، اۆياتسيالىق زاقىمداۋ قۇرالدارىن، ارتيللەريالىق اسپاپتاردى، رادياتسيالىق، حيميالىق جانە بيولوگيالىق قورعانىس مۇلىگىن، تىلدىق ءارى مەديتسينالىق مۇلىكتى ءبىر رەتتىك وتەۋسىز بەرۋدى كوزدەيدى. قازاقستان جاعى اسكەري مۇلىكتى جامبىل وبلىسىنىڭ «وتار» ستانساسىنان تاجىكستاننىڭ دۋشانبە قالاسىنا دەيىن تەمىرجول كولىگىمەن جەتكىزۋدى قامتاماسىز ەتەدى»، - دەدى ق ر قورعانىس ءمينيسترىنىڭ ورىنباسارى تالعات مۇحتاروۆ.
ءوز كەزەگىندە سەناتور تالعات مۇسابايەۆ تاجىكستان مەن اۋعانستان شەكاراسىنداعى جاعداي كۇن سايىن ناشارلاپ كەلە جاتقانىن اتاپ ءوتتى.
«ەسىرتكى تاسىمالدايتىن لاڭكەستىك توپتار شەكارانى ءجيى بۇزۋدا. سوندىقتان تاجىكستاندىق تاراپقا وسى كومەگىمىز وتە قاجەت دەپ سانايمىن. كەلىسىمدى راتيفيكاتسيالاۋ تاجىكستان شەكاراسىن كۇشەيتۋگە جانە ورتالىق ازيا ايماعىن قورعاۋعا ۇلەس قوسادى دەپ سەنەمىن»، - دەدى دەپۋتات.
اۆتور: رۋسلان عابباسوۆ
