تەرمينكومنىڭ قۇزىرەتىن كۇشەيتۋ كەرەك - شەرۋباي قۇرمانباي ۇلى

None
None
نۇر- سۇلتان. قازاقپارات - پروفەسسور شەرۋباي قۇرمانباي ۇلى تەرميندەردى قازاق تىلىنە اۋدارۋدىڭ نەگىزگى ماسەلەلەرىن اتادى، دەپ حابارلايدى قازاقپارات ءتىلشىسى.

 عالىمنىڭ سوزىنە قاراعاندا، بۇگىندە تەرميندەردى كاسىبي تۇردە اۋداراتىن ماماندار بار. ءبىراق ولاردىڭ باسىم بولىگى باسقا سالالاردا جۇمىس ىستەيدى. «بىرەۋى جوعارى وقۋ ورنىندا ءتىلدىڭ مورفولوگياسى مەن سينتاكسيسىنەن ساباق بەرىپ جۇرسە، ەكىنشىسى باسقا قۇرىلىمداردا ەڭبەك ەتەدى. قىسقاسى، ءبىز بار ماماننىڭ ءوزىن ءبىر ورتالىققا شوعىرلاندىرىپ، كۇشىمىزدى بىرىكتىرە الماي وتىرمىز. سوسىن تەرمينولوگيا جۇمىستارى رەسپۋبليكا دەڭگەيىندە جۇيەلى تۇردە ۇيلەستىرە وتىرىپ، جوعارى كاسىبي دەڭگەيدە جۇرگىزىلمەي جاتىر. وسى سالادا جاسالىپ جاتقان جۇمىستار بار. ونى جوققا شىعارمايمىز. ءبىراق تولىقتاي جۇيەلى تۇردە ۇيلەستىرۋ جۇمىسى ءالى جولعا قويىلدى دەپ ايتا المايمىز. ەڭ ۇلكەن ماسەلە وسى»، - دەدى ش. قۇرمانباي ۇلى ق ر پارلامەنت ماجىلىسىندە وتكەن عىلىمي- پراكتيكالىق كونفەرەنتسيادا.

ونىڭ ايتۋىنشا، كەڭەستەر كەزىندە ورىس تىلىندەگى تەرميندەردى بارلىق وداقتاس مەملەكەتتەردىڭ ءبارى قولداندى. سەبەبى ماسكەۋدە ارنايى كوميتەت بولدى. سوعان بارلىق مىقتى ماماندار شاقىرىلدى. ال كوميتەتتىڭ ءوزى ءتىل ساياساتىنىڭ بۇلجىتپايتىن زاڭداردى ءبىر ۋىسىندا ۇستاپ وتىردى.

«وكىنىشكە قاراي، تاۋەلسىزدىگىمىزدى جاريالاعاننان كەيىن ءبىز تەرمينولوگيانى ءدال سونداي ادىسپەن جۇرگىزىپ، ءبارىن قولعا الىپ، مەملەكەتتىڭ ءتىل ساياساتىنا نەگىزدەلگەن جۇيەلى، ۇيلەستىرىلگەن، كاسىبي، جوعارى دەڭگەيدە جۇرگىزەتىن قۇرىلىم جاساپ، سونىمەن ۇستاي المادىق. سول سەبەپتى تەرمينولوگيالىق جۇمىستار شاشىراپ كەتتى دەۋگە بولادى. جاسالىپ جاتىر. ءبىراق ورتالىقتاندىرىلعان جۇيە قالىپتاسپاي وتىر. كەڭەس وداعى ارنايى كوميتەتتى ەرىككەننەن قۇرعان جوق. ورىس ءتىلىنىڭ عىلىم ءتىلى رەتىندە ۇستەمدىگىن ورناتۋ ءۇشىن قۇرىلعان بولاتىن. ال ءوز ەلىمىزدەگى قازاق ءتىلىنىڭ عىلىم ءتىلى رەتىندە قولدانىلۋى سىزدەر مەن بىزدەردىڭ باستى مىندەتى بولسا كەرەك»، - دەپ اتاپ كورسەتتى ش. قۇرمانباي ۇلى

 عالىم قازىرگى تەرمينكومنىڭ قىزمەتىن كۇشەيتۋ كەرەك دەپ سانايدى. وسى ورايدا اتالعان قۇرىلىمنىڭ قۇزىرەتىن دە، مارتەبەسىن دە كوتەرگەن ءجون. سوندا عانا بەكتىلىگەن تەرميندەردى كەڭىنەن قولدانادى. بۇدان بولەك، تەرمينتانۋشى بىلىكتى مامانداردى كوبىرەك دايارلاۋ قاجەت.

 ايتا كەتەيىك، بۇگىنگى جيىندا احمەت بايتۇرسىنوۆ اتىنداعى ءتىل ءبىلىمى ينستيتۋتىنىڭ ديرەكتورى، پروفەسسور ەردەن قاجىبەك تەرمينولوگيا سوزدىكتەرىن شىعارۋ جوسپارلارى تۋرالى ايتتى. ارنايى باعدارلاما اياسىندا تەرمينولوگيالىق سوزدىكتەردى شىعارۋ جوسپارلانىپ وتىر. وسى جۇمىس كەلەسى جىلى باستاۋىش مەكتەپتەن باستالادى.

اۆتور: ارمان اسقاروۆ

سوڭعى جاڭالىقتار