قانات يسلام قاشان رينگكە شىعادى؟

«وتكەن جىلى ماڭىزدى ايقاس الدىندا اياعىمدى جاراقاتتاپ الىپ، جەكپە-جەك كەيىنگە قالعانىن وزدەرىڭىز جاقسى بىلەسىزدەر. سودان بەرى ەم-دوم قابىلدادىم. ۇزاق ءۇزىلىس بولدى. جانكۇيەرلەرىم دە مەنىڭ ايقاسىمدى ساعىنىپ قالعانى انىق. قازىر اللاعا شۇكىر، دەنساۋلىعىم قالپىنا كەلە باستادى. سودان مەن دە الماتىداعى AIBA بوكس اكادەمياسىندا جايلاپ جاتتىعۋىمدى باستاپ كەتتىم»، - دەپ باستادى قانات يسلام اڭگىمەسىن.

«جەكپە-جەك قاشان؟» دەگەن قازاقپارات ءتىلشىسىنىڭ ساۋالىنا ول:

«جاقىندا بەلگىلى بولادى. نەگىزى، وسىعان دەيىنگى جوسپارىم - ەلوردا كۇنىنە وراي باس قالامىزدا ءبىر ايقاس وتكىزەم دەپ ويلاعام. بۇيىرسا، ونىڭ الدىندا ا ق ش- تا ءبىر كەزدەسۋ بولۋى مۇمكىن. وسىدان بىرەر كۇن بۇرىن ا ق ش- تاعى پروموۋتەر ەگيس كليماسپەن سويلەستىك، ول امەريكادا جەكپە-جەك ۇيىمداستىرۋعا مۇمكىندىكتەر قاراستىرىپ جاتىر. ول جاقىن ارادا سول جاقتاعى جۇمىستاردى ناقتىلاپ، بىزگە جاۋابىن بەرەدى. تاعى ءبىر قولعا الىپ جاتقان ءىسىمىز - امەريكالىق جاڭا باپكەرمەن سويلەسىپ جاتىرمىز. ونىڭ ەسىمى كوپكە تانىس - جارتىلاي سالماقتاعى بۇرىنعى الەم چەمپيونى روبەرتو گارسيا. بۇل باپكەرمەن ءتىل تابىسىپ جاتساق، ارى قاراي جەكپە-جەكتەر جالعاساتىن بولادى»، - دەپ جاۋاپ بەردى.

ەستەرىڭىزگە سالا كەتەيىك، «QAZAQ» يسلام (25-0، 20 ك و) سوڭعى جەكپە-جەگىن 2017-جىلى 9- قىركۇيەكتە نۇر-سۇلتاندا كانادالىق برەندون كۋكپەن (20-2، 13 ك و) وتكىزىپ، نوكاۋتپەن جەڭىسكە جەتكەن بولاتىن.

اۆتور: كۇنسۇلتان وتارباي