قانات يسلام كەلەسى جەكپە-جەگىن ا ق ش- تا وتكىزۋى مۇمكىن
مۇنىڭ الدىندا بوكسشى استانا كۇنىنە وراي جەكپە-جەك وتكىزەتىنى تۋرالى حابارلانعان ەدى. كەزدەسۋ الماتىدا وتەدى دەپ جوسپارلانعان بولاتىن. قارسىلاس ازىرگە بەلگىسىز.
الايدا بوكسشى رينگكە ورالۋىن جانكۇيەرلەر ءۇشىن تاماشا شوۋ بولۋىن قالايتىنىن ايتقان ەدى.
«پروموۋتەر ەگيس كليماسپەن سويلەستىك، ول امەريكادا جەكپە-جەك ۇيىمداستىرۋعا تىرىسادى. قالاي بولاتىنىن كورەمىز. ال جەكپە-جەككە جاقسى دايىندىق بولۋ ءۇشىن، بەلگىلى باپكەر روبەرتو گارسيامەن بايلانىسقا شىعىپ، قازاقستانعا كەلۋىن سۇرادىق. ول قازىر برازيليادا جۇرگەنىن ايتتى جانە ۋاقىت تىعىزدىعىنا بايلانىستى لوس-اندجەلەسكە كەلگەنىم ءجون بولاتىنىن ءتۇسىندىردى. سول جەردە كەلىسسوزدەر وتكىزەمىز»، - دەيدى قازاقستاندىق بوكسشى.
ايتا كەتەيىك، الداعى جەكپە-جەك قانات يسلام ءۇشىن ۇزاق ۇزىلىستەن كەيىنگى رينگكە ورالۋ بولادى. بوكسشى سوڭعى رەت 2017-جىلدىڭ 9- قىركۇيكتە جۇدىرىقتاسقان، ول كەزدە العاشقى ورتا سالماقتا WBO NABO جانە WBA- NABA بەلبەۋلەرى ءۇشىن استانادا كانادالىق برەندون كۋكتى (20-2، 13 ك و) نوكاۋتقا تۇسىرگەن.
كەلەسى جەكپە-جەك 23- ماۋسىم لوس-اندجەلەسكە بەلگىلەنگەن ەدى، الايدا، قازاقستاندىق اياعىن جاراقاتتاپ العان بولاتىن. ودان كەيىن ەمدەۋ شارالارى دۇرىس جۇرمەۋىنە بايلانىستى جاراقت اسقىنىپ كەتىپ، بوكسشىنىڭ جاعدايى وسى كوكتەمدە جاقساردى.
قازىرگى تاڭدا يسلام تالعار ماڭىنداعى AIBA بوكس اكادەمياسىندا جاتتىعىپ جاتىر. روبەرتو گارسيا ەكىنشى جارتىلاي سالماقتا بۇرىنعى الەم چەمپيونى، امەريكانىڭ بوكس تۋرالى جازاتىن جۋرناليستەر قاۋىمداستىعى (BWAA) جىل باپكەرى دەپ مويىنداعان (2012-جىل). بەس سالماقتا جۇدىرىقتاساتىن بەلگىلى بوكسشى، ءتۇرلى ديۆيزوندا WBC, WBО, IBF جانە The Ring بەلبەۋلەرىن يەلەنگەن مايكي گارسيانىڭ اعاسى.
