پروموۋتەر بوب ارۋم: جانىبەك ءالىمحان ۇلى - گولوۆكيننىڭ ءىزباسارى

- مەن ءالىمحان ۇلىنىڭ گەننادي گولوۆكيننىڭ ءىزباسارى بولاتىنىنا سەنەمىن، ول دا قازاقستاننان. جانىبەك - كەرەمەت بوكسشى جانە ونى جۇما كۇنى كەشكىسىن كورە الاسىزدار، - دەدى ارۋم 26 جاستاعى قازاقستاندىق بوكسشىنىڭ كەزەكتى جەكپە-جەگى الدىندا.

الداعى ايقاسىن جانىبەك ءالىمحان ۇلى 13- ءساۋىر كۇنى تاڭەرتەڭ لوس-انجەلەستەگى Staples Center ارەناسىندا (ا ق ش، كاليفورنيا شتاتى) وتكىزەدى. قارسىلاسى - مەكسيكالىق كريستيان وليۆاس (16-4، 13 ك و).

بوب ارۋم جايلى ايتار بولساق، ونىڭ نەگىزگى كليەنتى WBA Super جانە WBO نۇسقالارى بويىنشا جەڭىل سالماقتاعى الەم چەمپيونى، ۋكرايندىق ۆاسيلي لوماچەنكو (12-1، 9 ك و). ول بۇل كەشتە بريتاندىق بوكسشى ەنتوني كروللومەن (34-6-3، 13 ك و) كەزدەسەدى. ۆاسيلي جەلتوقسانداعى ديۆيزيوندا ءبىراۋىزدان قابىلدانعان شەشىم بويىنشا حوسە پەدراسۋدى (25-، 12 ك و) جەڭىپ، ەكىنشى بەلبەۋ يەسى اتانعان بولاتىن.