پرەزيدەنتتىككە ۇمىتكەر رەتىندە تىركەلگەن كانديداتقا بيۋدجەتتەن قانشا قارجى بەرىلەدى

بۇل تۋرالى بۇگىن ق ر ورتالىق سايلاۋ كوميسسياسىنىڭ مۇشەسى ءسابيلا مۇستافينا ايتتى، دەپ حابارلايدى قازاقپارات ءتىلشىسى.

«قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 12-بابىنا سايكەس، ورتالىق سايلاۋ كوميسسياسىنا سايلاۋ ناۋقانىنا قاجەت ەتىلەتىن شىعىستاردىڭ (پرەزيدەنتتىككە ۇمىتكەر ءاربىر كانديداتقا بولىنەتىن شىعىس - رەد. ) بولجالدى سمەتاسىن ەسەپتەۋ وكىلەتتىگى بەرىلگەن. ول تۇزىلگەننەن كەيىن ۇكىمەتكە ۇسىنىلادى. قارجى ءبولۋ تۋرالى شەشىمدى ۇكىمەت بەكىتەدى. سايلاۋ كەزەكتەن تىس بولعاننان كەيىن بۇل قاراجات رەزەرۆتەن بولىنەدى. ءبىزدىڭ بولجالدى سمەتامىز قارجى مينيسترلىگىنىڭ قاراۋىنان وتەدى. پرەزيدەنتتىككە ۇمىتكەر ءاربىر كانديداتقا بيۋدجەتتەن شامامەن 7,5 ميلليون تەڭگەدەن ءبولۋ كەرەك دەپ ەسەپتەپ وتىرمىز»، - دەدى ول.

ونىڭ اتاپ وتۋىنشە، مەملەكەت كانديداتتارعا رەسپۋبليكالىق بيۋدجەتتەن تەڭدەي قارجى بولىنۋىنە كەپىلدىك بەرەدى.

 «بۇل - ب ا ق- تا سايلاۋالدى ءسوز سويلەۋىنە ارنالعان: راديودا - 10 مينۋت، تەلەارنادا - 15 مينۋت، ەكى ماتەريال جاريالاۋ، كانديداتتىڭ جاريا ءىس- شارالارى مەن ۇگىت ماتەريالدارىن شىعارۋ، سونىمەن قاتار سايلاۋشىلارمەن كەزدەسۋىن ۇيىمداستىرۋعا جۇمسالاتىن قاراجات. ياعني، بۇعان ءۇي- جاي جالداۋ مەن كولىككە كەتەتىن شىعىندار دا كىرەدى»، - دەدى س. مۇستافينا.

 بۇعان دەيىن ق ر ورتالىق سايلاۋ كوميسسياسى ءتوراعاسىنىڭ ورىنباسارى كونستانتين پەتروۆ اعىمداعى جىلدىڭ 9 - ماۋسىمىندا وتەتىن كەزەكتەن تىس پرەزيدەنت سايلاۋىنا كانديداتتاردى ۇسىنۋ 28 - ساۋىردە اياقتالاتىنىن ءمالىم ەتكەن بولاتىن.

اۆتور: مارلان جيەمباي