نەسىپبەك ايت ۇلى: الماعايىپ زاماندا پرەزيدەنتتى سايلاپ، ىرگەنى بەكىتىپ وتىرعان دۇرىس

None
None
 نۇر- سۇلتان. قازاقپارات - الماعايىپ زاماندا پرەزيدەنتىمىزدى سايلاپ، ەتەك- جەڭىمىزدى جيناپ، ىرگەمىزدى بەكىتىپ وتىرعانىمىز دۇرىس.

 9 - ماۋسىمدا وتەتىن پرەزيدەنت سايلاۋىنا قاتىستى اقىن، مەملەكەتتىك سىيلىقتىڭ لاۋرەاتى، قازاقستاننىڭ ەڭبەك سىڭىرگەن قايراتكەرى نەسىپبەك ايت ۇلى وسىلاي دەيدى، دەپ حابارلايدى قازاقپارات ءتىلشىسى.

«مەنىڭ ويىمشا، بۇل - دۇرىس شەشىم. الماعايىپ زاماندا پرەزيدەنتىمىزدى سايلاپ، ەتەك- جەڭىمىزدى جيناپ، ىرگەمىزدى بەكىتىپ وتىرعانىمىز دۇرىس دەپ ويلايمىن. ويتكەنى، ەلباسى وكىلەتتىگىن توقتاتقاننان كەيىن حالىقتىڭ كوڭىلى الاڭداۋلى. نە بولادى، كىم كەلەدى دەگەن سۇراقتار جوق ەمەس. سول سەبەپتى، ەل امان، جۇرت تىنىشتا سايلاۋ وتكىزىپ، «ءبىر جاعادان باس، ءبىر جەڭنەن قول» شىعارۋ كەرەك» ، - دەيدى نەسىپبەك ايت ۇلى.

ەسكە سالا كەتسەك، اعىمداعى جىلدىڭ 9 - ماۋسىمىندا ەلىمىزدە كەزەكتەن تىس پرەزيدەنتتىك سايلاۋ وتەدى. بۇل تۋرالى بۇگىن رەسپۋبليكالىق تەلەارنالاردان قازاقستان حالقىنا ۇندەۋ جاريالاعان مەملەكەت باسشىسى قاسىم- جومارت توقايەۆ ايتتى.

مەملەكەت باسشىسى قاسىم- جومارت توقايەۆتىڭ رەسپۋبليكالىق تەلەارنالار ارقىلى قازاقستان حالقىنا جولداعان ۇندەۋىنىڭ تولىق ءماتىنىن مىنا سىلتەمەدەن وقۋعا بولادى.

سوڭعى جاڭالىقتار