ماماندار ۇيالى تەلەفون ءجيى ۇرلاناتىن جەرلەردى اتادى

نۇر-سۇلتان. قازاقپارات - تەلەفون ۇرلاتۋ جاعدايلارى كوبىنە قوعامدىق كولىكتە بولادى ەكەن.

بۇل تۋرالى اقمولا وبلىستىق پ د باسپا ءسوز قىزمەتىنىڭ وكىلدەرى مالىمدەدى، - دەپ حابارلايدى Tengrinews.kz ءتىلشىسى.

ولاردىڭ ايتۋىنشا، كەي جاعدايلاردا ازاماتتاردىڭ ءوزى ساقتىق شارالارىن ساقتاماي، باعالى زاتتارىن جۇرتتىڭ كوزىنە كۇيىك قىلادى. «كوپتەگەن ازامات وزدەرىنە نازار اۋدارتادى - ۇيالى تەلەفونىن ارتقى قالاتاسىنا سالادى جانە جولاۋشىعا تولى اۆتوبۋسقا كىرگەن ۋاقىتتا ءوز زاتىن ساقتاۋ ءۇشىن شارا قولدانبايدى»، - دەدى پوليتسيا وكىلدەرى.

ۇرىلاردىڭ قۇربانى بولماۋ ءۇشىن، كولىك سالونىندا، كافە جانە مەيرامحانالاردا جەكە زاتىڭىزدى قاراۋسىز قالدىرۋعا بولمايتىنىن ەسكەرۋ كەرەك.

ايتا كەتەيىك، اقمولا وبلىسىندا پوليتسەيلەر جىل باسىنان بەرى 256 ۇيالى تەلەفون ۇرلىعىن اشقان. اقمولا وبلىسى پوليتسەيلەرى ازاماتتارمەن تۇسىندىرمە جۇمىستارىن ءجيى جۇرگىزەتىنىنە قاراماستان، وڭىردە ۇيالى تەلەفون ۇرلاۋ دەرەكتەرى ازايماي تۇر ەكەن. جىل باسىنان بەرى اقمولا وبلىسىندا 300 دەن اسا تەلەفون ۇرلاۋ دەرەگى تىركەلگەن، سونىڭ 256 سى يەلەرىنە قايتارىلدى.