حوككەي: قازاقستان قىزدار قۇراماسى قىتايدا العاشقى ۇپايدى ەنشىلەدى

قازاقستان قۇراماسى لاتۆيامەن كەزدەستى، دەپ حابارلايدى قازاقپارات ءتىلشىسى.

اتالمىش دودادا قازاقستان قۇراماسى ءساتسىز ويىن كورسەتىپ كەلەدى. بۇعان دەيىنگى ەكى كەزدەسۋدە دە قارسىلاستارىنا ەسە جىبەردى. الدىمەن پولشادان 3:5 ەسەبىمەن جەڭىلىپ قالعان ەدى. ودان كەيىن گوللاندياعا 1:3 ەسەبىمەن جول بەردى.

بۇگىنگى كەزدەسۋدە دە جەڭىسكە جەتە العان جوق. ويىننىڭ نەگىزگى كەزەڭى 1:1 ەسەبىمەن تەڭ اياقتالدى. لاتىشتار ساپىنان 3-مينۋتتا ليەۆا پەتەرسون شايبا سوقسا، وعان 10-مينۋتتا قازاقستاندىق ماليكا الدابەرگەنوۆا ءبىر شايبامەن جاۋاپ بەردى. ويىن سوڭىنا دەيىن وسى ەسەپ وزگەرگەن جوق. وۆەرتايمدا دا جەڭىمپاز انىقتالمادى. بۋلليتتە لاتۆيانىڭ جولى بولدى.

ايتا كەتەيىك، بۇگىن B توبىندا تاعى ەكى ويىن ءوتتى. گوللانديا قىتايدى 4:0 ەسەبىمەن تىزە بۇكتىرسە، وڭتۇستىك كورەيا پولشادان 4:3 ەسەبىمەن باسىم ءتۇستى.

اتالمىش توپتا توعىز ۇپايمەن گوللانديا كوش باستاپ تۇر. ودان كەيىنگى ورىندارداعى پولشا مەن قىتايدىڭ ەنشىسىندە التى-التى ۇپايدان بار. ال وڭتۇستىك كورەيا، لاتۆيا 2 ۇپاي ەنشىلەگەن. ازىرگە قازاقستان قورجىنىندا - 1 ۇپاي.

ءتورتىنشى تۋر ويىندارى 10- ساۋىردە وتەدى. بۇل كۇنى لاتۆيا مەن گوللانديا، قىتاي مەن پولشا، قازاقستان مەن وڭتۇستىك كورەيا كەزدەسەدى.