جانىبەك ءالىمحان ۇلى الداعى جەكپە-جەگىندە بىردەن ەكى تيتۋل ءۇشىن ايقاسادى

نۇر-سۇلتان. قازاقپارات - قازاقستاندىق جانىبەك ءالىمحان ۇلى ءوزىنىڭ التىنشى جەكپە-جەگىندە بىردەن ەكى تيتۋل ءۇشىن ايقاساتىن بولادى، دەپ حابارلايدى «قازاقپارات» ح ا ا ءتىلشىسى قازاقستان بوكس فەدەراتسياسىنا سىلتەمە جاساپ.

ورتا سالماقتاعى WBO Global جانەWBC Continental Americas اتاقتارى ءۇشىن شايقاس 12- ءساۋىر كۇنى لوس-انجەلەستە وتەدى. ج. ءالىمحان ۇلىنىڭ قارسىلاسى مەكسيكالىق كريستيان وليۆاس بولماقشى، ول ءۇشىن بۇل جەكپە-جەك سپورتتىق مانسابىنداعى 21- ايقاس. ال ج. ءالىمحان ۇلى كاسىبي رينگكە التىنشى رەت شىقپاقشى.

بۇعان امەريكالىق مەنەدجەر ەگيس كليماس ءوز تاڭدانىسىن ءبىلدىردى.

«التىنشى جەكپە-جەگىندە-اق WBO Global جانە WBC Continental Americas تيتۋلدارى ءۇشىن ايقاسقا تۇسەتىن جانىبەك ءالىمحان ۇلىن ماقتان تۇتامىن»، - دەپ جازدى ول ءوزىنىڭ ينستاگرامداعى پاراقشاسىندا.

جەكپە-جەكتى 12- ءساۋىر كۇنى Qazsport تەلەارناسىنان تىكەلەي ەفير ارقىلى كورۋگە بولادى. باستالۋى نۇر-سۇلتان ۋاقىتى بويىنشا ساعات 07:00 دە.