باتىس قازاقستاندا توعانداعى بالىقتار قىرىلۋدا

None
None
ورال. قازاقپارات - قازتالوۆ اۋدانىنداعى قاراسۋ توعانىندا 3 توننادان استام بالىق قىرىلىپ قالدى، دەپ حابارلايدى قازاقپارات ءتىلشىسى.

اۋدان ورتالىعى قازتالوۆ اۋىلىنىڭ قاق ورتاسىن ءبولىپ تۇرعان توعاندا مۇز ەرىسىمەن ءولى بالىقتاردىڭ جاپپاي جاعاعا شىعۋ دەرەكتەرى ورىن الدى.

 null

ب ق و ورمان شارۋاشىلىعى جانە جانۋارلار دۇنيەسى اۋماقتىق ينسپەكسياسى بالىق شارۋاشىلىعى ءبولىمىنىڭ باسشىسى قايرات يبرايەۆتىڭ ايتۋىنشا، تەكسەرۋ كەزىندە جالپى سالماعى 3 توننا 150 ك گ تابان بالىقتىڭ ولگەنى انىقتالدى.

پارازيتولوگياعا الىنعان بالىق سىناماسى تەرىس ناتيجە كورسەتتى. سونىمەن قاتار قۇرامىندا زياندى زاتتار، قاتتى مەتالدار، راديولوگيا بار-جوعىن انىقتاۋ ماقساتىندا سانيتارلىق-حيميالىق تالداۋلار جۇرگىزۋ ءۇشىن سۋدان دا سىناما الىندى.  

null 

ماماننىڭ سوزىنە قاراعاندا، الدىن الا مالىمەت بويىنشا بالىقتاردىڭ ءولۋ سەبەبى - وتتەگىنىڭ جەتىسپەۋى. ناقتى دەرەك سۋدان الىنعان تالداما قورىتىندىسىنان كەيىن بەلگىلى بولادى.

مۇنداي جاعداي 2017 -جىلدىڭ كوكتەمىندە دە ورىن العان ەدى.

قىس كەزىندە بالىقتاردىڭ قاتىپ قالۋىنا جول بەرمەۋ ءۇشىن اۋىل اكىمدىگى تۇرعىندارمەن جانە كوممۋنالدىق قىزمەتتەر قىزمەتكەرلەرىمەن بىرلەسىپ، ءتيىستى جۇمىستار جۇرگىزدى. 1300-دەي ويىق ويىلدى. بالىققا اۋا جىبەرۋ ءۇشىن قامىستار دا سالىندى.

قاراسۋ توعانى بالىق وسىرۋگە ارنالماعان ءارى اعىندى سۋ ەمەس. كەڭەس داۋىرىندە اۋىل شارۋاشىلىعى جانە تەحنيكالىق قاجەتتىلىكتەرگە ارنالىپ جاسالعان سۋ قويماسىنىڭ تەرەڭدىگى 1-2 مەتر. توعاننىڭ تاياز بولۋى بالىقتاردىڭ جاپپاي ولۋىنە سوقتىرىپ وتىر.

قازتالوۆ اۋىلدىق وكرۋگىنىڭ اكىمى ءجۇسىپ شاقۋوۆتىڭ ءمالىم ەتكەنىندەي، توعاننىڭ ۇزىندىعى 4 شاقىرىم بولسا، ەنى 75 مەتر شاماسىندا.

«قازىرگى كەزدە توعاندى ءولى بالىقتان تازارتۋ جۇمىستارى تولىقتاي جۇرگىزىلدى. الداعى ۋاقىتتا مۇنداي جاعدايعا جول بەرمەۋ ءۇشىن توعاندى تەرەڭدەتۋ باعىتىندا جوبالار جاساۋ ويلاستىرىلۋدا»، دەدى قازاقپارات تىلشىسىنە ج. شاقۋوۆ.

سوڭعى جاڭالىقتار