قازاقستان پرەزيدەنتى جاڭا كەڭەسشى تاعايىندادى

نۇر-سۇلتان. قازاقپارات - مەملەكەت باسشىسىنىڭ وكىمىمەن باۋىرجان جۇماحان ۇلى وماروۆ قازاقستان رەسپۋبليكاسى پرەزيدەنتىنىڭ كەڭەسشىسى قىزمەتىنە تاعايىندالدى.

بۇل تۋرالى اقوردانىڭ رەسمي سايتى حابارلادى.

باۋىرجان جۇماحان ۇلى 1962 -جىلى دۇنيەگە كەلگەن. قىزىلوردا وبلىسىندا تۋعان. قاز م ۋ- دىڭ جۋرناليستيكا فاكۋلتەتىن (1986، قازىرگى قاز ۇ ۋ)، ماسكەۋ حالىقارالىق بيزنەس جانە اقپاراتتىق تەحنولوگيالار ۋنيۆەرسيتەتىن (1998) بىتىرگەن. فيلولوگيا عىلىمدارىنىڭ دوكتورى (2001)، پروفەسسور (2002).

«لەنينشىل جاس» (قازىرگى «جاس الاش») گازەتىندە ءتىلشى، اعا ءتىلشى، اۋدارماشى، ءبولىم مەڭگەرۋشىسى (1986-1994)، قاز ۇ ۋ- دا اعا وقىتۋشى (1994-1996)، دوتسەنت، اعا عىلىمي قىزمەتكەر (1998-2000)، پروفەسسور (2002-2003)، قىزىلوردا مەملەكەتتىك ۋنيۆەرسيتەتىنىڭ پرورەكتورى (1996-1997)، قىزىلوردا قالالىق اكىمىنىڭ ورىنباسارى (1997-1998)، قازاقستان ۇلتتىق عىلىم اكادەمياسىنىڭ ادەبيەت جانە ونەر ينستيتۋتىندا اعا عىلىمي قىزمەتكەر، ءبولىم مەڭگەرۋشىسى (2000-2003)، ق ر مادەنيەت، اقپارات جانە سپورت مينيسترلىگىندە دەپارتامەنت ديرەكتورى (2003-2006)، «استانا حابارى» گازەتى باس رەداكتورىنىڭ 1-ورىنباسارى، «ايقىن» گازەتىنىڭ باس رەداكتورى، قىزىلوردا وبلىسى اكىمى اپپاراتىنىڭ جەتەكشىسى، «قازاق گازەتتەرى» ج ش س-نىڭ باس ديرەكتورى (2006-2009) قىزمەتتەرىن اتقاردى.

ق ر مادەنيەت جانە اقپارات مينيسترلىگىنىڭ اقپارات جانە مۇراعات كوميتەتى ءتوراعاسىنىڭ ورىنباسارى؛ 2010 -جىلدان ءتىل كوميتەتىنىڭ ءتوراعاسى، ق ر پرەزيدەنتى باسپا ءسوز قىزمەتىنىڭ سەكتور مەڭگەرۋشىسى بولدى.

2013 -جىلعى قاڭتاردان بەرى ق ر پرەزيدەنتى باسپا ءسوز حاتشىسىنىڭ ورىنباسارى بولدى.