سينگاپۋردە ناۋرىز مەرەكەسى تويلاندى
سينگاپۋردەگى قازاقستان ەلشىسى ۇسەن سۇلەيمان ءوز سوزىندە ناۋرىز مەيرامى اتا-بابالارىمىزدىڭ دانالىعىن، ولاردىڭ ءومىر ءسۇرۋ سالتىن كورسەتەتىن مەرەكەلەردىڭ ءبىرى ەكەنىن اتاپ ءوتتى. سينگاپۋردە وقيتىن ستۋدەنتتەرگە ەلشى قازاقستان دامۋدىڭ جاڭا بەلەستەرىنە شىققان تۇستا جاستارعا دا ۇلكەن جاۋاپكەرشىلىك جۇگى ارتىلاتىنىن اتاپ ءوتتى.
بۇل تۇستا قازاقستان ءۇشىن ءداستۇرلى مادەنيەتتى ءبىلۋ ماڭىزدى ارتىقشىلىق بولىپ سانالماق.
سينگاپۋردە وقىپ جۇرگەن قازاقستاندىقتاردىڭ ەرەكشە ەڭبەكتەرى اتالىپ ءوتتى: كوركەم گيمناستيكادان سينگاپۋر ۇلتتىق چەمپيوناتىندا ءۇش كۇمىس، ءبىر قولا جۇلدە يەگەرى اتانعان ەلينا الەكساندروۆنا، 2019-جىلى سينگاپۋر ورتا مەكتەپتەرى اراسىنداعى روبوتوتەحنيكا جارىستارىنان «1st Runner Up» سىيلىعىن جەڭىپ العان زاكي ىدىرىشەۆتەردىڭ اتى اتالدى.
قازاقستاندىق انشىلەر قايرات قابىشەۆ، تالعات ماەمگەنوۆ جانە اقمارال مىڭبايەۆانىڭ ورىنداۋىندا ۇلتتىق اۋەندەر ورىندالىپ، جارىستار مەن كونكۋرستار ۇيىمداستىرىلدى. تەاترلاندىرىلعان قويىلىمدار قويىلىپ، مەرەكەلىك ۇلتتىق تاعامدار ازىرلەندى.
