توعىزقۇمالاقتان الەم چەمپيوناتىندا ەل نامىسىن كىمدەر قورعايدى؟

None
None
نۇر-سۇلتان. قازاقپارات - تۇركيانىڭ انتاليا قالاسىندا وتەتىن توعىزقۇمالاقتان الەم چەمپيوناتىندا ەل نامىسىن كىمدەر قورعايتىنى بەلگىلى بولدى، دەپ حابارلايدى قازاقپارات ءتىلشىسى.

وسىمەن بەسىنشى مارتە الاۋى تۇتاناتىن الەمدىك سىندا ەل نامىسىن سەگىز ويىنشى قورعايدى. بۇل تۋرالى قازاقپارات تىلشىسىنە دۇنيەجۇزىلىك توعىزقۇمالاق فەدەراتسياسىنىڭ باس حاتشىسى ماقسات شوتايەۆ ايتىپ بەردى.

اتالعان سىندا ايەلدەر اراسىندا اسەل داليەۆا، سالتانات ساپاربەكوۆا، گۇلجانات الدابەرگەنوۆا، ارۋجان ءابدىحانوۆا، ەرلەر اراسىندا حاكىمجان ەلەۋسىنوۆ، سايات جانداربەك، جانات كايمۋلدين جانە عالىمجان تەمىربايەۆ ەل نامىسىن قورعاماق.

جارىس كلاسسيكا جانە بليتس تۇرىندە وتەدى.

وسىعان دەيىن، ءتول ويىنىمىز - توعىزقۇمالاقتان الەم چەمپيوناتى 25- ءساۋىر مەن 4- مامىر ارالىعىندا وتەتىنى تۋرالى جازعان بولاتىنبىز.

توعىزقۇمالاقتان الەم چەمپيوناتىن وتكىزۋدەگى باستى ماقسات - قازاقتىڭ ۇلتتىق زياتكەرلىك ويىنىن الەمدىك دەڭگەيدە ناسيحاتتاۋ، ونىڭ بۇقارالىق سيپاتىن ارتتىرۋ جانە وسى سپورت تۇرىندەگى ەڭ ۇزدىك سپورتشىلاردى انىقتاۋ.

ەسكە سالا كەتەيىك، توعىزقۇمالاقتان تۇڭعىش الەم چەمپيوناتى 2010-جىلى قازاقستاننىڭ ەلورداسىندا وتكىزىلىپ، 16 ەلدەن سپورتشىلار قاتىسقان بولاتىن. 2012-جىلى چەحيانىڭ پاردۋبيتسە قالاسىندا بولعان Ⅱالەم چەمپيوناتىنا 10 ەلدەن سپورتشى قاتىسسا،  Ⅲ الەم چەمپيوناتى 2015-جىلى الماتىدا وتكىزىلىپ، 23 ەلدىڭ سپورتشىلارى باق سىنادى. ال، VI رەت ءتول ويىنىمىزدان الەم بىرىنشىلىگى ەكسپو-2017 حالىق¬ارالىق كورمەسى اياسىندا ەلوردامىزدا ءوتتى. سوڭعى بىرىنشىلىككە الەمنىڭ 25 ەلىنەن 70 تەن استام توعىزقۇمالاقشى كەلىپ، باق سىنادى.

اۆتور: كۇنسۇلتان وتارباي

  

سوڭعى جاڭالىقتار