09:49, 06 - ءساۋىر 2019 | GMT +6
ەلدوس سمەتوۆ گران-پري تۋرنيرىنىڭ جەڭىمپازى اتاندى
نۇر-سۇلتان. قازاقپارات - قازاقستاندىق ەلدوس سمەتوۆ تۇركيانىڭ انتاليا قالاسىندا ءوتىپ جاتقان گران-پري تۋرنيرىنىڭ التىن جۇلدەگەرى اتاندى، دەپ حابارلايدى قازاقپارات ءتىلشىسى.
قازاقستاندىق سپورتشى 60 كەلى سالماقتا فينالدا وزبەكستاندىق كەمران نۋريللايەۆپەن بەلدەستى. ريو وليمپياداسىنىڭ كۇمىس جۇلدەگەرى ە. سمەتوۆتىڭ جاس قارسىلاسىنا قاراعاندا، تاجىريبەسى مول ەدى. بەلدەسۋ بارىسىندا وڭتايلى ءادىس قولدانعان ە. سمەتوۆ ۆازاري ۇپايىن الىپ ۇلگەردى. سودان كەيىن كوپ ۇزاماي تازا جەڭىسكە جەتتى.
ەسكە سالا كەتەيىك، بۇدان بۇرىن ەلدوس سمەتوۆ باستاعان دزيۋدوشىلاردىڭ گران-پري تۋرنيرىنە قاتىساتىنىن، وتگونتسەتسەگ گالبادراحتىڭ فينالعا جولداما الىپ، كۇمىس جۇلدەگەر اتانعانىن جازعان بولاتىنبىز.
