اتا-انالار ءوز بالالارىمەن سويلەسۋدى دوعارعان - ءبىلىم ءمينيسترىنىڭ كەڭەسشىسى

None
None
 نۇر-سۇلتان. قازاقپارات - ءبىلىم جانە عىلىم مينيسترلىگىنىڭ مامانى اتا-انالاردىڭ ءوز بالالارىمەن سويلەسۋدى دوعارعانىن ايتادى.

«اتا-انالار ينتەرنەتتەن بالالار تۋرالى ءبىر نارسە وقىپ نەمەسە ەستىپ العان سوڭ ءبىلىمدىمىن دەپ ويلايدى. اتا-انالار ءوز بالالارىمەن سويلەسۋدى دوعارعان. بالالاردىڭ گادجەتتەردەن قولى تيمەيدى. (...) ءجۇز مۇعالىمگە قاراعاندا ءبىر اكە ارتىق، ال بىزدە بالالاردى مەكتەپكە اكەلسە سەيفكە اكەلگەندەي بولادى: ءبىر بەرەدى دە، 11-سىنىپتا دامىعان، تاربيەلى بالا الىپ شىققىسى كەلەدى. وكىنىشكە قاراي، مۇندايعا كۇندە تاپ بولامىز»، - دەيدى ءبىلىم جانە عىلىم ءمينيسترىنىڭ كەڭەسشىسى مايرات تايكەنوۆا.

ول وتباسىلىق قارىم-قاتىناستى ەكى ەسىككە تەڭەدى. «ءبىرىنشى ەسىك جاتىن بولمەدەن اشىلادى - اتا-انا شىعادى دا، جۇمىسقا كەتەدى - سىرتقى ەسىك جابىلادى. جۇمىستان كەلەدى - سىرتقى ەسىك اشىلادى. شامالى سويلەسەدى دە، جاتىن بولمەگە قايتا كەتەدى. ءبىز اقپاراتتىق ۋاقىتتا ءومىر ءسۇرىپ جاتىرمىز، ۋاقىت جوق دەپ ايتۋىڭىزعا بولادى. ءبىراق ول ءسىزدىڭ بالاڭىز عوي»، - دەدى ول.

 

Kaz.tengrinews.kz

 

سوڭعى جاڭالىقتار