ءومىرزاق شوكەيەۆ: تۇركىستاندى بەس باعىت بويىنشا دامىتامىز

None
None
 تۇركىستان. قازاقپارات - تۇركىستان وبلىسىن دامىتۋدىڭ باس باعىتى ايقىندالدى. بۇل تۋرالى بۇگىن التىنشى شاقىرىلىمداعى وبلىستىق ءماسليحاتتىڭ كەزەكتى XXXVII سەسسياسىندا وبلىس اكىمى ءومىرزاق شوكەيەۆ ءمالىم ەتتى، دەپ حابارلايدى قازاقپارات.

وبلىستىق ءماسليحات دەپۋتاتى ن. ءابىشوۆ ءتوراعالىق ەتكەن جيىنعا وبلىستىق اۋماقتىق سايلاۋ كوميسسياسىنىڭ ءتوراعاسى، اۋدان، قالا اكىمدەرى مەن ءماسليحات حاتشىلارى، وبلىستىق باسقارمالاردىڭ جانە ۇيىمداردىڭ باسشىلارى، ب ا ق وكىلدەرى قاتىستى.

كۇن تارتىبىندە 28 ماسەلە تىڭدالدى. اتاپ ايتقاندا، تۇركىستان وبلىسىنىڭ باسقارۋ سحەماسىن بەكىتۋ، وبلىستاعى 24 باسقارمانى قايتا قۇرۋ، تۇركىستان وبلىسى بيۋدجەتىنىڭ كىرىس بولىگىن تولىقتىرۋ جانە تابىستىڭ ءوسۋىنىڭ جاڭا رەزەرۆتەرىن انىقتاۋ بويىنشا اتقارىلعان جۇمىستار تۋرالى، وبلىس اكىمدىگىنىڭ مەملەكەتتىك- جەكەشەلىك ارىپتەستىك جوبالارىنىڭ ىسكە اسىرىلۋ بارىسى سىندى ءبىرقاتار ماسەلەلەر قارالدى.

جيىندا وبلىستىق باسقارمالاردىڭ جانە ۇيىمداردىڭ باسشىلارى بايانداما جاسادى. سونداي- اق سەسسيادا دەپۋتاتتار ۇسىنىستارىن جەتكىزدى. وبلىس اكىمى ءومىرزاق شوكەيەۆ الداعى ۋاقىتتاعى اتقاراتىن جوسپارلارىن جاريالاپ، تۇركىستان وبلىسىندا جۇزەگە اساتىن تىڭ جوبالاردى تانىستىرىپ، ناقتى مىندەتتەرىن اتاپ ءوتتى.

«تۇرعىنداردىڭ الەۋمەتتىك جاعدايىن جاقسارتۋ جانە ەكونوميكا مەن بيزنەسكە قولايلى جاعداي جاساۋ ارقىلى تۇركىستان وبلىسىن كوركەيتۋ بويىنشا مىندەت قويىپ وتىرمىز. وسى ماقساتتا ءبىز ءوڭىردىڭ دامۋىنا سەرپىن بەرەتىن ناقتى جۇمىستار اتقارۋىمىز قاجەت. ەڭ الدىمەن، جۇيەلى ناتيجە بەرەتىن، بيىلدىڭ وزىندە حالىققا ءتيىمدى بولاتىن وزەكتى ماسەلەلەردى شەشۋگە باعىتتالعان باسىم باعىتتاردى نازارعا الۋىمىز قاجەت. مەن وسى ماقساتقا جەتۋ ءۇشىن باسىمدىق بەرەتىن 5 نەگىزگى باعىتتى ايقىندادىم. بۇل - تۇركىستان قالاسىن دامىتۋ، تۇركىستان وبلىسىنىڭ مادەني- رۋحاني سالاسىن جاڭعىرتۋ، اۋدان، قالا جانە اۋىلداردى دامىتۋ، اگروونەركاسىپ كەشەنىن جانە يندۋستريالدى ايماقتاردى كوتەرۋ» ، - دەدى ءومىرزاق شوكەيەۆ.

 جيىن سوڭىندا وبلىس باسشىسى اتالعان جوبالاردى ىسكە اسىرۋ ارقىلى ءوڭىردىڭ ەكونوميكالىق جاعدايىن كوتەرۋگە، حالىقتىڭ ءال- اۋقاتىن جاقسارتۋعا كۇش جۇمسايتىنىن جەتكىزدى.

 «ءبىزدىڭ الدىمىزدا قالاداعى اكىمشىلىك- ىسكەرلىك ورتالىعى جانە رۋحاني- مادەني نىسانداردىڭ قۇرىلىسىن ۋاقتىلى ءارى ساپالى جۇرگىزۋ مىندەتى تۇر. جالپى وبلىس ورتالىعىندا 89 نىساننىڭ قۇرىلىس جۇمىستارى جۇرەدى. ءبىز قالانىڭ ەسكى بولىگىن دامىتۋ ماسەلەسىن دە ۇمىتپاۋىمىز كەرەك. تۇركىستاننىڭ ەسكى شاعىناۋداندارىنىڭ ينفراقۇرىلىمىن دامىتۋ، سۋ جانە گاز، كارىز جۇيەلەرىنە جوندەۋ جۇمىستارى قاجەت. ناقتىراق ايتساق، تۇركىستان قالاسىنداعى ۇلكەن 5 كوشە كۇردەلى جوندەۋدى تالاپ ەتەدى. ال 27 كوشەگە ورتا جوندەۋ كەرەك. جالپى، 62 شاقىرىم جول رەتتەلەدى. سونىمەن بىرگە، ورتالىق كوشەلەردىڭ جان- جاعىن اباتتاندىرۋ جوسپارىمىز بار. شامامەن 42 شاقىرىم كوشەگە جارىقتاندىرۋ، تروتۋار سالۋ جۇمىستارى جۇرگىزىلەدى. بيىل جازدا كوشەلەردىڭ، قالانىڭ كوركەيگەنىن تۇرعىندار ءوز كوزىمەن كورۋى قاجەت» ، - دەدى وبلىس اكىمى ءومىرزاق شوكەيەۆ.

 بۇدان وزگە، ءوڭىردىڭ ۇزدىك سالا ماماندارى تۇركىستان وبلىسىنىڭ قۇرمەت گراموتاسىمەن جانە تۇركىستان وبلىستىق ءماسليحاتىنىڭ گراموتاسىمەن ماراپاتتالدى.

سوڭعى جاڭالىقتار