ەلوردادا قانداي ماماندىقتارعا تەگىن وقۋعا بولادى

None
None
نۇر- سۇلتان. قازاقپارات - ەلوردا تۇرعىندارى ەڭبەك نارىعىندا سۇرانىسقا يە ماماندىقتار بويىنشا تەگىن ءبىلىم الا الادى، دەپ حابارلايدى قازاقپارات قالا اكىمدىگىنىڭ رەسمي سايتىنا سىلتەمە جاساپ.

ەلوردانىڭ جۇمىسپەن قامتۋ ورتالىعى قايتا وقىتۋ كۋرستارىنا جۇمىسسىز ازاماتتاردى قابىلداپ جاتىر. قايتا دايارلاۋ نارىقتا قاجەتتى ماماندىقتار بويىنشا جۇرگىزىلەدى.

«جۇمىسسىز ازاماتتاردى ەڭبەك نارىعىندا سۇرانىسقا يە ماماندىقتار بويىنشا تەگىن قايتا وقىتۋ كۋرستارىنا قابىلداۋ جۇرگىزىلۋدە. اتاپ ايتقاندا، قايتا دايارلاۋ كۋرستارى ناۋبايشى، مەكتەپكە دەيىنگى ۇيىمداردىڭ تاربيەشىسى (پەداگوگيكالىق ءبىلىم مىندەتتى)، مەنەدجەر (ساۋدا مەنەدجەرى؛ سۇرانىسى جوق ماماندىق يەلەرى، ديپلومنىڭ بولۋى مىندەتتى) ، اكىمشى، ەلەكترمەن جانە گازبەن دانەكەرلەۋشى، كيبەرقاۋىپسىزدىك مامانى، انيماتسيا جانە بەينەگرافيكا سالاسىنداعى مامان، ۋقالاۋشى (مەديتسينالىق ءبىلىم بولۋى كەرەك) سياقتى ماماندىقتار بويىنشا جۇرگىزىلەدى.

 وقۋ بارىسىندا اي سايىن  16759 تەڭگە ستەپەنديا تولەنەدى. قايتا دايارلاۋ كۋرسىن ويداعىداي اياقتاعان سوڭ سەرتيفيكات بەرىلىپ، جۇمىسقا ورنالاسۋعا جاردەم كورسەتىلەدى»، - دەپ ءمالىم ەتتى ورتالىقتان.

سوڭعى جاڭالىقتار