اعىلشىن ءتىلى ءسىز ويلاعانداي قيىن ەمەس

None
None
 نۇر-سۇلتان. قازاقپارات - دوستار، مەنىڭ ەسىمىم اقبايان. مەن جۋرناليستيكا فاكۋلتەتىندە وقيمىن.

بوس ۋاقىتىمدا اعىلشىن تىلىنەن ساباق بەرەمىن. وتە جاقسى تابىس. نەگە دەيسىز بە؟ سەبەبى، ءوزىڭدى دامىتا وتىرىپ، وزگەگە دە ۇيرەتكەنگە نە جەتسىن؟ بۇگىنگى تاڭدا اعىلشىن ءتىلىنىڭ ماڭىزدىلىعى بارشامىزعا بەلگىلى. وسىنى جاس تا، كارى دە بىلە تۇرا نەلىكتەن ءتىل بىلۋگە ۇمتىلمايدى ەكەن؟

بۇگىنگى جاھاندانۋ زامانىندا ءبىز زامانعا ساي ساۋاتتى بولۋىمىز ءتيىس. ول ءۇشىن مۇمكىندىكتەر دە كوپ. جۇسىپبەك قورعاسبەك اعامىز ءبىر دارىسىندە «ينتەللەكتۋالدى جالقاۋ» دەگەن تىركەستى ايتقان بولاتىن. قازىرگى زامان راسىندا جالقاۋلار زامانىنا اينالىپ بارادى.

مەن سىزگە مىناداي سۇراق قويايىن: «اعىلشىن ءتىلىن قانشالىقتى جاقسى مەڭگەرگەنسىز؟ وزىڭىزگە كوڭىلىڭىز تولا ما؟ تولماسا، نەگە ءوزىڭىزدى دامىتپايسىز؟

ءبىز «كۇندەلىكتى ومىردە اعىلىشىن قانشالىقتى ءجيى قولدانامىز؟» - دەگەن سۇراققا: «وتە سيرەك، از، ءجيى ەمەس، تەك اعىلشىن كۋرسىنا باراتىندار عانا قولدانادى» - دەپ جاۋاپ بەرىپ جاتامىز. ال مەن بۇل پىكىرمەن كەلىسپەيمىن. نەگە دەيسىز بە؟ سەبەبى، كۇندەلىكتى ومىردە ءتىپتى، ۇيدە وتىرعان ايەلدىڭ ءوزى دە كەمىندە ءۇش ءسوزدى اعىلشىن تىلىندە ايتادى.

ياعني، قورشاعان ورتامىزدىڭ ءبارى اعىلشىن تىلىمەن تىكەلەي بايلانىستى. ول قالاي دەيسىز بە؟ «Tide, fairy, vanish, computer, notebook, comeback, backstage, level, timer, time management, manager, done, down, loser»  دەگەن سوزدەرگە قالاي قارايسىز؟ وسى سوزدەردى ايتۋ بارىسىندا اۋدارماسىنا قىزىعىپ كوردىڭىز بە؟ قىزىققاندار سانى ساۋساقپەن سانارلىقتاي شىعار. مىسالى، «Tide» دەگەن ءسوزدىڭ «اعىس» دەپ اۋدارىلادى. «Vanish» - «جوعالۋ، جويۋ» دەگەن اۋدارماعا يە. «Level» - «دەڭگەي»، «comeback» - «ارتقا قايتۋ»، «backstage» - «ساحنا ارتىندا» دەپ اۋدارىلادى جانە ايتا بەرسەك بۇل سوزدەر قاتارىنا كوپتەگەن بۇگىنگى كۇننىڭ تەرمين، جارگون سوزدەرى ەنە بەرەدى.

جولداستار، مەنىڭ ايتپاق ويىم قانداي؟ ءبىز بۇگىنگى دامىعان زاماندا، ءبىلىم زامانىندا اعىلشىنشا ساۋاتتى بولۋىمىز مىندەتتى. نەگە دەيسىز بە؟ سەبەبى، اعىلشىن ءتىلىن جەتىك بىلەتىن ماماندى ورىستار ايتپاقشى «رۋكامي نوگامي» الادى. بۇل سىزدەردىڭ بولاشاقتارىڭىز. سىزدەردىڭ بولاشاقتارىڭنىڭ جارقىن بولۋ، بولماۋى تەك وزدەرىڭنىڭ قولدارىڭدا. ادامنىڭ ءوزىن-ءوزى دامىتۋداعى شەكتەۋى تەك ءوزىنىڭ باسىندا، ويىندا عانا. ءتورت بەس جىل بۇرىن Skype ارقىلى ساباق وقى ترەند بولاتىن. مەن سول ترەندكە ىلەسىپ، ءتىپتى، سول ترەندى ءوزىم ءۇشىن تابىس كوزىنە اينالدىرعاندار قاتارىنانمىن.

ەرتەڭگى كۇنىڭ ءۇشىن بۇگىن جۇمىس جاسا!

 

سوڭعى جاڭالىقتار