قازاقستاندىق كاسىپقوي بوكسشى قىز جاڭا سالماقتا جەكپە-جەك وتكىزەدى

«وكىنىشكە قاراي، فيرۋزا بۇل كەزدەسۋدى ايىرىلعان تيتۋلى ءۇشىن وتكىزبەيدى. الايدا بوكسشى قارايىپ قالماس ءۇشىن رينگكە شىعۋ قاجەتتىلىگىنە بەل بۋىپ وتىرمىز. بۇل جاعدايدا ول ءبارىبىر جەڭىل سالماقتاعى WIBA جانە WBU نۇسقاسى بويىنشا الەم چەمپيونى بولىپ قالا بەرەدى. ال بۇل ايقاستا فيرۋزا جاڭا سالماقتا - 63,5 كەلىدە ونەر كورسەتەتىن بولادى. قارسىلاس ءالى انىقتالعان جوق. كەزدەسۋ التى راۋندقا ەسەپتەلگەن»، - دەيدى قازاقستاندىقتىڭ مەنەدجەر سەرگەي زاۆيلەيسكي.

ونىڭ ايتۋىنا قاراعاندا، جاڭا سالماقتا بەلدىكتەرگە يە بولۋ ءۇشىن الدا ءالى ءبىرشاما ەڭبەكتەنۋ كەرەك.

«ەگەر قارجىلاندىرۋ ماسەلەسى شەشىلەتىن بولسا، فيرۋزا كەلەسى ايدا ءوزىنىڭ تيتۋلىنا قايتادان يە بولىپ، ودان دا جوعارعىسىن الا الادى»، - دەيدى مەنەدجەر.

ەسكە سالا كەتسەك، فيرۋزا ءشارىپوۆا IBO تۇجىرىمى بويىنشا الەم چەمپيونى تيتۋلىنان جانە WBC Silver بەلبەۋىنەن ايىرىلعانى وسىعان دەيىن حابارلانعان بولاتىن. وعان قاتىستى سپورتشى:

«بۇل - قالىپتى جاعداي، سەبەبى ءبىر جىلدان بەرى قورعالعان جوق. چەمپيون ءوز بەلبەۋىن قورعاۋى ءتيىس. وتكەن جىلدىڭ سوڭىندا ەۆا ۆالسترەممەن بىرلەسكەن ايقاس وتكىزۋدى جوسپارلادىق. ول - WBC تۇجىرىمى بويىنشا چەمپيوندىق تيتۋلدىڭ يەگەرى. قارجىلاندىرۋعا كومەك سۇرادىق. اكىمدىكتەر مەن مادەنيەت جانە سپورت مينيسترىنە حات جولدادىق. وكىنىشكە قاراي، بىزگە قاراجات تابىلمادى»، - دەگەن ەدى.

ونىڭ ايتۋىنشا، ە. ۆالسترەم ۇلكەن كولەمدەگى گونورار سۇراعان.

«مۇنىڭ الدىندا WIBA تيتۋلىن قورعادىم، سوندىقتان مەن وسى نۇسقاداعى الەم چەمپيونىمىن. مەن بەلبەۋلەرىمدى جوعالتقان جوقپىن، كەلەسى ايقاستا ونى رينگكە الىپ شىعامىن. مەن وسى نۇسقاداعى قازىرگى الەم چەمپيونى مارتەبەسىنەن ايىرىلدىم. بۇل مەنىڭ جانە كوماندامنىڭ كىناسى ەمەس - مەن ودان ايقاستا جەڭىلگەندىكتەن ايىرىلمادىم. قازاقستاندا ءبىزدى ەشكىم قولداعان جوق»، - دەپ اتاپ ءوتتى ول.