مينيستر بەردىبەك ساپاربايەۆ ەلوردا ىرگەسىندەگى قوياندى كەنتىندە بولدى

None
None
قوياندى. قازاقپارات - ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپاربايەۆ اقمولا وبلىسى سەلينوگراد اۋدانى، قوياندى سەلولىق وكرۋگىنىڭ تۇرعىندارىمەن كەزدەستى.

 بۇل تۋرالى قازاقپارات ۆەدومستۆونىڭ باسپا ءسوز قىزمەتىنە سىلتەمە جاساپ حابارلايدى.

ەلباسىنىڭ «الەۋمەتتىك قامقورلىق» الەۋمەتتىك شارالارىن جۇزەگە اسىرۋ اياسىندا جاڭارتىلعان اتاۋلى الەۋمەتتىك كومەك الۋعا قۇجاتتاردى قابىلداۋ اعىمداعى جىلدىڭ 1 - ساۋىرىنەن باستاپ باستالعان بولاتىن. وتىنىشتەر جۇمىسپەن قامتۋ ورتالىقتارىندا، حالىققا قىزمەت كورسەتۋ ورتالىقتارىندا، سونداي- اق اۋىلدىق اكىمدىكتەردە قابىلدانادى.

اۋىل تۇرعىندارى الدىندا ءسوز سويلەگەن ۆەدومستۆو باسشىسى الەۋمەتتىك كومەكتىڭ جاڭا فورماتىن ەنگىزۋدىڭ ارقاسىندا قازاقستاندا ا ءا ك الۋشىلار سانى 830 مىڭ ادامنان اسادى دەپ اتاپ ءوتتى، ونىڭ ىشىندە سەلينوگراد اۋدانىندا ولاردىڭ سانى 12,3 مىڭنان 17,6 مىڭ ادامعا دەيىن ارتادى.

مينيستر كوپبالالى اۋىلدىقتار مەن جاستارعا جاڭا بيزنەس يدەيالاردى ىسكە اسىرۋ ءۇشىن 505 مىڭ تەڭگە كولەمىندە 10 مىڭ مەملەكەتتىك گرانت ۇسىنىلاتىنىن اتاپ ءوتتى. مۇگەدەكتىگى بار 5 مىڭعا جۋىق ادام مەن كوپبالالى انالار ءۇشىن جەكە ءىسىن اشۋعا 6,5 ميلليون تەڭگەگە دەيىن جەڭىلدىكتى ميكروكرەديت بەرۋ جوسپارلانۋدا.

اۋداندا مينيستر قىتايدان كەلگەن كوپبالالى ورالمان وتباسىنىڭ شارۋاشىلىعىمەن تانىستى.

«ەڭبەك» باعدارلاماسى بويىنشا 4 ميلليون تەڭگە نەسيە الىپ شارۋا قوجالىعىن ۇيىمداستىرعان وتباسى تەك ءىرى قارا مەن جىلقى ءوسىرىپ قانا قويماي، ءسۇت ونىمدەرىن ءوندىرىپ، ساتۋمەن اينالىسادا.

سونىمەن قاتار، ەلوردادا ب. ساپاربايەۆ سارى ارقا اۋدانىنىڭ حالىققا قىزمەت كورسەتۋ ورتالىعىندا ا ءا ك- كە وتىنىشتەردى قابىلداۋ بارىسىمەن تانىستى. ول 1 - ساۋىردەن باستاپ الەۋمەتتىك كومەكتى تاعايىنداۋ ءۇشىن جەكە كۋالىك پەن ءتيىستى ءوتىنىش بەرۋ جەتكىلىكتى ەكەنىن تاعى ءبىر مارتە قۇجاتتاردى قابىلدايتىن قىزمەتكەرلەردىڭ نازارىنا سالدى.

«بايقوڭىر» اۋدانى اكىمدىگىنە بارعان كەزدە ۆەدومستۆو باسشىسى اتاۋلى الەۋمەتتىك كومەككە ءوتىنىش بەرۋگە كەلگەن ەلوردا تۇرعىندارىمەن كەزدەستى، مينيستر از قامتىلعان ازاماتتارعا الەۋمەتتىك قولداۋ كورسەتۋ شارالارى بويىنشا تۇسىنىكتەمە بەردى جانە ولاردى قىزىقتىراتىن سۇراقتارعا جاۋاپ بەردى.

سوڭعى جاڭالىقتار