ەلدوس سمەتوۆ باستاعان دزيۋدوشىلار گران-پري تۋرنيرىنە قاتىسادى
قازاقستان دزيۋدو فەدەراتسياسى حابارلاعانىنداي، ايتۋلى دودادا الەمنىڭ 78 ەلىنەن 533 دزيۋدوشى باق سىناماقشى.
قازاقستان نامىسىن 13 دزيۋدوشى قورعايدى.
اتاپ ايتقاندا،
ەرلەر:
ەلدوس سمەتوۆ (60 كەلى)،
داۋرەن سۇيەۋكەنوۆ (60 كەلى)،
ءابىلحايىر ماۋلەنين (66 كەلى)،
سۇڭعات جۇباتقان (66 كەلى)،
اڭساربەك عاينۋللين (73 كەلى)،
جانبولات باعىتبەرگەنوۆ (73 كەلى)،
رۋسلان مۇسايەۆ (81 كەلى)،
ديدار حامزا (81 كەلى)،
ەرسۇلتان مۇزاپپاروۆ (90 كەلى)،
رەگا پالكين (90 كەلى)،
ءادىلحان قوزىبايەۆ (100 كەلى)،
جامبىل تۇرعىناليەۆ (100+ كەلى).
ايەلدەر:
وتگونتسەتسەگ گالبادراح (48 كەلى).
قازاقستان قۇراماسى وسىنىڭ الدىندا تبيليسيدە وتكەن گران-پري تۋرنيرىنە قاتىسىپ، قورجىندارى بوس قايتقان بولاتىن.
بۇل جولى وليمپيادا جۇلدەگەرلەرى ەلدوس سمەتوۆ پەن وتگونتسەتسەگ گالبادراح سىندى بەلدى پالۋاندار تاتاميگە شىققالى وتىر.
ب ق و دەنە شىنىقتىرۋ جانە سپورت باسقارماسىنان تۇسكەن مالىمەتكە قاراعاندا، باتىس قازاقستاندىق اڭساربەك عاينۋللين (باپكەرى تالعات بالماعامبەتوۆ) العاش رەت ەرەسەكتەر اراسىنداعى گران-پري جارىسىنا قاتىسپاقشى. 2018-جىلى ا. عاينۋللين جاستار اراسىندا ازيا چەمپيونى اتانعان بولاتىن.
