زاڭسىز ساقتالعان قارۋ-جاراقتى پوليتسياعا وتكىزىپ، تولەماقى الۋعا بولادى

ەرىكتى تۇردە تاپسىرىلعان قارۋ-جاراق زاتتارى ءۇشىن مەملەكەت تاراپىنان ءاربىر قارۋعا، ياعني ونىڭ تۇرىنە بايلانىستى 10-100 ايلىق ەسەپتىك كورسەتكىش (ا ە ك) مولشەرىندە اقشا تولەنەدى.

«تىركەلمەگەن اتىس قارۋلارىن، وق-دارىلەر مەن جارىلعىش زاتتاردى ءوز ەركىمەن تاپسىرعان ادامدار قىلمىستىق جانە اكىمشىلىك جاۋاپكەرشىلىكتەن بوساتىلادى» دەپ ءمالىم ەتتى ۆەدومستۆودان.

«شۇعىل جەلى» تەلەفوندارى: نۇر-سۇلتان قالاسىنىڭ پ د - 716170، 716366، «الماتى» ا پ ب - 716737، «سارىارقا» ا پ ب - 716646، «ەسىل» ا پ ب - 716561، «بايقوڭىر» ا پ ب - 322614.

زاڭسىز ساقتالعان اتىس قارۋلارىن، وق-دارىلەردى جانە جارىلعىش زاتتاردى ساتىپ الۋ جونىندەگى اقپارات قالالىق پوليتسيا دەپارتامەنتىنىڭ رەسمي سايتىندا جاريالانعان.