ديماش قۇدايبەرگەن قازاقستان تۋريزمىنىڭ ەلشىسىنە اينالدى

None
None
 نۇر- سۇلتان. قازاقپارات - «Kazakh Tourism» ۇلتتىق كومپانياسى» ا ق باسقارما ءتوراعاسىنىڭ ورىنباسارى تيمۋر دۇيسەنعاليەۆ ءانشى ديماش قۇدايبەرگەننىڭ جەتىستىگى قازاقستاننىڭ تۋريزمىن قالاي كوتەرىپ جاتقانىن ايتىپ بەردى، دەپ حابارلايدى قازاقپارات ءتىلشىسى.

«ديماش قۇدايبەرگەن قازىردىڭ وزىندە قازاقستان ءتۋريزمىنىڭ ەلشىسىنە اينالدى. وتكەن جىلى ەلىمىزدە وتە ءساتتى «ديماش- تۋر» شاراسى وتكىزىلگەن ەدى. ءبىز الەمدەگى ديماشتىڭ ەڭ بەلسەندى فان- كلۋبتارىنىڭ وكىلدەرىن شاقىردىق. تۋر شارتتى تۇردە - «ديماش تۋر» جانە «ا ا ا» دەپ اتالدى. ا ا ا دەگەنىمىز - اقتوبە، استانا جانە الماتى. بۇل شارا وتە اۋقىمدى قىزىعۋشىلىق تۋدىردى. قۇدايعا شۇكىر، ديماش شىڭعا شىعىپ كەلەدى. ونىڭ ساعات سايىن الەمدە ابىرويى ارتىپ كەلە جاتقانى قۋانتادى. ديماشقا عاشىق ادامدار كوپ. ياعني، ديماش وزىنە عانا ەمەس، ءوزىنىڭ وتانى قازاقستانعا دەگەن قۇرمەتتى تۋعىزادى» ، - دەيدى دەيدى «سپۋتنيك قازاقستان» باسپا ءسوز ورتالىعىندا وتكەن بريفينگ بارىسىندا «قازاق تۋريزم» ۇلتتىق كومپانياسى ءتوراعاسىنىڭ ورىنباسارى تيمۋر دۇيسەنعاليەۆ.

ەسكە سالا كەتسەك، اتالمىش بريفينگتە نۇر- سۇلتاندا «قازاقستان ارۋى» ۇلتتىق بايقاۋىنىڭ فينالى وتەتىنى حابارلانعان بولاتىن. بايقاۋ 2 - مامىردا ەلورداداعى نوماد- حولدا وتكىزىلمەك.

بيىلعى «قازاقستان ارۋى» ۇلتتىق بايقاۋىنىڭ ارنايى جوباسى بويىنشا ق ر مادەنيەت جانە سپورت مينيسترلىگىنىڭ قولداۋىمەن تانىمدىق روليكتەر جيىنتىعى جاسالادى. بۇل كوركەم، قىسقا فيلمدەردە وڭىرلىك تۋردىڭ جەڭىمپازدارى ءوز ءوڭىرىنىڭ تۋريستىك مۇمكىندىكتەرىن كورسەتەدى. مىسالى، «وسكەمەن ارۋى» بىرەگەي راحمان قاينارى تۋرالى، «اقتوبە ارۋى» «ءۇيتاس» تابيعي ەسكەرتكىشى جايلى، «شىمكەنت ارۋى» «اق مەشىت» ۇڭگىرى تۋرالى اڭگىمەلەپ بەرەدى.

سوڭعى جاڭالىقتار