قازاقستاندىق بوكسشى قىز رەسەيلىك دەپۋتاتتى سوتقا بەرمەك

None
None
نۇر-سۇلتان. قازاقپارات - IBO  تۇجىرىمى بويىنشا الەم چەمپيونى، قازاقستاندىق فيرۋزا ءشارىپوۆا ر ف مەملەكەتتىك دۋماسىنىڭ دەپۋتاتى راۆيل حۋسنۋليندى سوتقا بەرەدى.

بۇل تۋرالى بوكسشى ءوزىنىڭ Instagram پاراقشاسىندا جازدى، - دەپ حابارلايدى Tengrinews.kz ءتىلشىسى.

«سپورتكراسا-2019» حالىقارالىق سۇلۋلىق جانە سپورت فەستيۆالىن ۇيىمداستىرۋشى كوميتەتتىڭ ءتوراعاسى، ر ف دۋماسىنىڭ دەپۋتاتى راۆيل حۋسنۋليندى سوتقا بەرەيىن دەپ جاتىرمىز. قازىر ادۆوكاتپەن كەڭەسۋ ۇستىندەمىز، الداعى ۋاقىتتا تولىعىراق حابارلايمىز. فەستيۆال پروديۋسەرلەرى ينگا پەرشينا مەن الەكساندر الەكساندروۆقا العىس ايتامىن. ءبىراق راۆيل حۋسنۋليننىڭ ارەكەتى ءبىزدى قورلادى!»، - دەدى ول.

ءشارىپوۆا دەپۋتاتتى نە ءۇشىن سوتقا بەرەتىنىن ايتقان جوق. فەرگانا.news اقپاراتىنا سۇيەنسەك، وعان 2- ساۋىردە «سپورتكراسا-2019» حالىقارالىق سۇلۋلىق جانە سپورت فەستيۆالىنىڭ العاشقى كۇنىندە بولعان وقيعا سەبەپ بولۋى ىقتيمال.

فەستيۆالدىڭ ۇيىمداستىرۋشى كوميتەتى تولىعىمەن رەسەيلىك دۋما دەپۋتاتتارىنان قۇرالعان. راۆيل حۋسنۋلين ر ف مەملەكەتتىك دۋماسىنىڭ دەپۋتاتى بولىپ 2016-جىلى قازاننان بەرى قىزمەت ەتىپ كەلەدى.

سوڭعى جاڭالىقتار