ازيا چەمپيوناتىنا باراتىن قازاقستاندىق بوكسشىلار انىقتالدى

None
None
نۇر-سۇلتان. قازاقپارات - بوكستان ازيا چەمپيوناتىندا باق سىنايتىن قازاقستان قۇراماسىنىڭ تولىق قۇرامى بەلگىلى بولدى، دەپ حابارلايدى قازاقپارات ءتىلشىسى.

ازيا چەمپيوناتى 16-26- ءساۋىر كۇندەرى تايلاند استاناسى - بانگكوك قالاسىندا وتكىزىلەدى. قۇرلىقتىق دودادا تەمىرتاس ءجۇسىپوۆ (49 كەلى)، ءانۋار مۇزاپاروۆ (52 كەلى)، قايرات ەراليەۆ (56 كەلى)، زاكير سافيۋللين (60 كەلى)، ءساناتالي تولتايەۆ (64 كەلى)، اسلانبەك شىمبەرگەنوۆ (69 كەلى)، تۇرسىنباي قۇلاحمەت (75 كەلى)، بەك نۇرماعانبەت (81 كەلى)، ۆاسيلي لەۆيت (91 كەلى) جانە قامشىبەك قوڭقابايەۆ (91 كەلىدەن جوعارى) ەل نامىسىن قورعايدى.

ۇلتتىق قۇرامانىڭ باس باپكەرى عالىم كەنجەبايەۆتىڭ ايتۋىنشا، 69 جانە 75 كەلى سالماقتاعى بوكسشىلاردان وزگەسىنىڭ بارلىعى - ەلىمىزدىڭ بىرىنشىلىگىندە چەمپيون اتانعان جىگىتتەر. بۇرىن 69 كەلىدە ابىلايحان ءجۇسىپوۆ باق سىناسا، 75 كەلىدە ءابىلحان امانقۇل نەگىزگى بوكسشى بولىپ سانالادى. ولار بۇدان بۇرىنعى جارىستان العان جاراقاتىنان تولىق ايىققان جوق.

ازيا چەمپيوناتىنا ەلىمىزدىڭ تاجىريبەلى بىلعارى قولعاپ شەبەرلەرى بارادى دەپ جوسپارلانىپ وتىر. بۇل بوكسشىلار تالاي جارىستاردا ەل نامىسىن ابىرويمەن قورعاپ كەلەدى.

سوڭعى جاڭالىقتار