قازاقستاندا تىركەلگەن كولىكتەردىڭ باسىم بولىگى - ەسكى
«ەسەپتى كەزەڭدە اكىمشىلىك پوليتسيا ورگاندارى تىركەۋگە 323988 اۆتوكولىكتى قويدى. اتالعان كورسەتكىش وتكەن جىلدىڭ سايكەس كەزەڭىنەن 13,8 پايىزعا ارتىق. ونىڭ ىشىندە 305460 سى ەكىنشى رەت تىركەلگەندەر ۇلەسىندە، ياعني ءبىر ادامنان ەكىنشى ادامنىڭ اتىنا اۋىستىرىلعان كولىكتەر ساناتىنا جاتقىزىلدى. ءوسىم 2018-جىلمەن سالىستىرعاندا 13,4 پايىزعا جەتتى. ال العاش رەت تىركەلگەن كولىك قۇرالدارىنىڭ سانى 18528 ءدى قۇرادى. ول وتكەن جىلعىعا قاراعاندا، 21,1 پايىزعا جوعارى»، - دەپ اتاپ كورسەتىلگەن باسپا ءسوز بايانىندا.
بيىلعى قاڭتار-ناۋرىزدا قازاقستان اۋماعىندا 4 ەلەكتروموبيل تىركەلگەن ەكەن.
«قاز اۆتو ونەركاسىپتىڭ» حابارلاۋىنشا، ەسەپتى كەزەڭدە قايتا تىركەلگەن كولىكتەردىڭ ۇشتەن ەكىسىنىڭ استامىن (70,7 پايىزى) پايدالانۋ مەرزىمى 10 جىلدان اسقان كولىكتەر قامتىعان.
اتاپ ايتقاندا، 20 جىلدان اسقانداردىڭ ۇلەسى 131882 (43,2 پايىز) بولسا، 11 دەن 20 جىلعا دەيىنگىلەر 27,5 پايىزدى (84087 كولىك) قۇرادى. ال 4 تەن 7 جىلعا دەيىن - 60597 (19,8 پايىز)، 8 دەن 10 جىلعا دەيىن - 18088 (5,9 پايىز)، 1 دەن 3 جىلعا دەيىنگى كولىكتەر سانى 10322 گە جەتتى. سونىمەن قاتار، پايدالانۋ مەرزىمى 1 جىلعا جەتپەگەن كولىكتەردىڭ ۇلەسى 0,2 پايىز (484 كولىك) بولدى.
«كەلىسىمشارت راسىمدەرىنە قاراعاندا، وتاندىق اۆتوپاركتىڭ ەسكىرۋىنىڭ ءۇردىسى ورىن العانىن بايقاتىپ وتىر»، - دەلىنگەن «قاز اۆتو ونەركاسىپ» حابارلاماسىندا.
