نۇرسۇلتان نازاربايەۆتىڭ جەرلەسى ونىڭ بالالىق شاعى تۋرالى ايتتى
ەلباسىنىڭ جەرگىلىكتى تۇرعىندارمەن كەزدەسۋى «اتامەكەن» تاريحي-مادەني ورتالىعىنىڭ الدىندا وتەدى. ءدال وسى ۋاقىتتا جەرگىلىكتى حالىق ەلباسىمەن كەزدەسۋ ءۇشىن ورتالىق الدىنا جينالۋدا.
«1944-جىلى ءبىز وسى اۋىلعا كوشىپ كەلدىك. ءبىر قارت كىسىمەن بىرگە تۇردىق. مەكتەپكە ەلباسىمەن بىرگە وقىپ، بىرگە وينادىق. شامالعان وزەنىندە مۇز قاتقاندا كونكيمەن سىرعاناق تەۋىپ، اسىق وينايتىنبىز. اۋىلداعى اقساقالدارىمىز ىلعي نۇرسۇلتاندى كورگەندە ونىڭ ۇلكەن ازامات بولاتىنىن بولجايتىن. شىنىمەن دە سولاي بولدى. ءبىز ونى ماقتان تۇتامىز. مەنىڭ جاسىم 82 دە، زەينەتاقىم بار الىپ جاتقان. بالالارىم جۇمىس ىستەپ، ءوسىپ كەلە جاتىر»، - دەدى جەرلەسى قۇلاحمەت ءشارىپوۆ.
ەسكە سالساق، ناۋرىز ايىنىڭ سوڭىندا نۇرسۇلتان نازاربايەۆ الماتىعا ساپارلاپ كەلگەن بولاتىن. الماتى اۋەجايىندا ق ر تۇڭعىش پرەزيدەنتىن جاستار گۇل شوقتارىمەن قارسى الدى. سونىمەن قاتار، نۇرسۇلتان نازاربايەۆ الماتىداعى رەزيدەنتسياسىندا ءبىرقاتار كەزدەسۋ وتكىزدى.
