نۇرسۇلتان نازاربايەۆ تۋعان جەرىنە بارادى
ساپار بارىسىندا نۇرسۇلتان نازاربايەۆ ق ر تۇڭعىش پرەزيدەنتىنىڭ «اتامەكەن» تاريحي- مادەني ورتالىعىن ارالايدى دەپ جوسپارلانعان.
ءدال وسى ۋاقىتتا جەرگىلىكتى حالىق ەلباسىمەن كەزدەسۋ ءۇشىن ورتالىق الدىنا جينالۋدا.
«ءبىز بۇگىن ءوزىمىزدىڭ جەرلەسىمىز، دارا تۇلعا - نۇرسۇلتان نازاربايەۆپەن كەزدەسۋگە كەلىپ تۇرمىز. البەتتە، ءبىز ەلباسىمەن جەرلەس بولعانىمىزدى ماقتان تۇتامىز. اللا تاعالا ول كىسىگە دەنساۋلىق بەرسىن»، - دەدى جەرگىلىكتى تۇرعىن.
ق ر تۇڭعىش پرەزيدەنتى شامالعان اۋىلىنىڭ تۇرعىندارىمەن دە كەزدەسپەك.
ەسكە سالساق، ناۋرىز ايىنىڭ سوڭىندا نۇرسۇلتان نازاربايەۆ الماتىعا ساپارلاپ كەلگەن بولاتىن. الماتى اۋەجايىندا قر تۇڭعىش پرەزيدەنتىن جاستار گۇل شوقتارىمەن قارسى الدى. سونىمەن قاتار، نۇرسۇلتان نازاربايەۆ الماتىداعى رەزيدەنسياسىندا ءبىرقاتار كەزدەسۋ وتكىزدى.
اۆتور: گۇلميرا عوسمانالي