اتىراۋدا كەمەلەر شەرۋى ءوتتى
شەرۋگە قۇقىق قورعاۋ، تابيعاتتى قورعاۋ ورگاندارىنىڭ جانە شەكارا قىزمەتىنىڭ 11 قايىعى مەن 17 شاعىن كەمەسى جۇمىلدىرىلدى.
«بەكىرە-2019» جىل سايىنعى ءىرى كولەمدەگى بالىق قورعاۋ اكسياسى اياسىندا ۇيىمداستىرىلعان سۋ كولىكتەرىنىڭ شەرۋى 1- ءساۋىر كۇنى تاڭعى ساعات 10 دا بالىقشى ىقشام اۋدانىنان باستالىپ، تەڭىزگە شىعار بەتكە دەيىن جالعاستى.
«ءبىز كاسپي تەڭىزىنىڭ جاعالاۋى مەن سۋ ايدىندارىندا جانە جايىق جانە قيعاش وزەندەرىنىڭ بويىنداعى ستاتسيونارلىق جانە موبيلدى بەكەتتەر، جىلجىمالى جولدار توبىن ۇيىمداستىردىق. بارلىق ينسپەكتورلارعا ولاردىڭ قىزمەتىنە قاتىستى ناقتى نۇسقاۋلار بەرىلدى، سودان كەيىن ولار تۇراقتى ورىندارىنا باردى»، - دەيدى اتىراۋ وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينپەكتسياسىنىڭ باسشىسى دانيار بايماعامبەتوۆ.
ايتا كەتەيىك، «بەكىرە-2019» ءىرى كولەمدەگى بالىق قورعاۋ اكتسياسى اتىراۋ، ماڭعىستاۋ جانە باتىس قازاقستان وبلىستارىندا 31- مامىرعا دەيىن جالعاسادى، ول جايىق- كاسپي باسسەينىندە بەكىرە جانە باسقا بالىق تۇرلەرىن ساقتاۋ بويىنشا شارالاردى كۇشەيتۋگە باعىتتالعان.
