ىشىمدىك پەن تەمەكىگە تاۋەلدىلىكتى ەمدەۋدىڭ وڭاي جولى تابىلدى
نۇر-سۇلتان. قازاقپارات - ا قش- تاعى بۋففالو ۋنيۆەرسيتەتىنىڭ عالىمدارى ىشىمدىك پەن ەسىرتكى تاۋەلدىلىگىن ەمدەۋدە قاراپايىم فيزيكالىق جاتتىعۋلاردىڭ كومەگى زور ەكەنىن انىقتادى دەپ حابارلايدى KAZ. NUR. KZ.
ماماندار سپورتتىق جاتتىعۋلار اياسىندا ورىن الاتىن مەديكامەنتوزدى تەراپيانىڭ ادام بويىنداعى جامان ادەتتەردەن ارىلتۋعا ەلەۋلى تۇردە كومەكتەسە الاتىنىن دالەلدەدى.
«جاياۋ ءجۇرۋ، جۇگىرۋ قول-اياققا سالماق ءتۇسىرۋدىڭ ءوزى نەيرومەدياتوردىڭ كوبەيۋ كورسەتكىشىن تومەندەتىپ تاستايدى. ول ءوز كەزەگىندە ادامنىڭ تاۋەلدىلىك سەزىمىن اناعۇرلىم باسەڭدەتپەك»، - دەپ ايتتى عالىمدار.
سوعان قاراعاندا، ىشىمدىك پەن ەسىرتكىگە دەگەن تاۋەلدىلىكتى جەڭۋ ءۇشىن قىرۋار اقشاعا كۋرستارعا بارعانشا، قاراپايىم جاتتىعۋلاردى جاساعان ءجون.
زەرتتەۋشىلەردىڭ ايتۋىنشا، اپتاسىنا 150 مينۋتىن فيزيكالىق جاتتىعۋلارعا ارناعانداردىڭ ارتريت، ديابەت جانە ءتۇرلى جۇرەك اۋرۋلارىنا شالدىعۋ قاۋپى ازايا تۇسەدى.