رەسەيدىڭ ەڭ باي ايەلدەرىنىڭ ءبىرى ۇشاق اپاتىنان كوز جۇمدى

نۇر-سۇلتان. قازاقپارات - گەرمانيادا التى ورىندى بيزنەس- دجەت اپاتقا ۇشىرادى. الدىن الا بولجام بويىنشا، ۇشاق بورتىندا ۇشقىش پەن S7 الىپ كومپانياسىنىڭ ديرەكتورلار كەڭەسىنىڭ مۇشەسى ناتاليا فيليەۆا جانە ونىڭ اكەسى وتىرعان.

 اۋە كولىگى فرانكفۋرتتەن 6 شاقىرىم جەردە ورنالاسقان ەگەلسباح اۋەجايىنىڭ ماڭىندا قۇلاپ، ورتەنىپ كەتكەن. اپاتتىڭ ناقتى سەبەبىن انىقتاۋ ءۇشىن تەرگەۋ امالدارى باستالىپ كەتتى. ونى حالىقارالىق كوميسسيا مەن رەسەيلىك اۋە بيلىگى بىرلەسە وتىرىپ جۇرگىزەتىن بولادى.

 ايتا كەتەيىك، 55 جاستاعى ناتاليا فيليەۆا Forbes جۋرنالى بويىنشا رەسەيدىڭ ەڭ باي ايەلدەرىنىڭ ءبىرى بولىپ سانالادى. باسىلىم 2018 -جىلى فيليەۆانىڭ داۋلەتىن 600 ميلليون دوللارعا باعالاعان.

www.24.kz