سلوۆاكيانى تۇڭعىش رەت ايەل پرەزيدەنت باسقارادى

ول 1993-جىلى تاۋەلسىز ەل اتانعان سلوۆاكيانىڭ بەسىنشى پرەزيدەنتى ءارى ەل تاريحىنداعى تۇڭعىش ايەل پرەزيدەنت بولدى.

وعان پرەزيدەنت وكىلەتتتىگى 15- ماۋسىم كۇنى اندرەي كيسكادان اۋىسادى.

ز. چاپۋتوۆاعا ەكىنشى تۋرعا قاتىسقان سايلاۋشىلاردىڭ %58,4 داۋىس بەرگەن. اسىرەسە ونى براتيسلاۆا قالاسى مەن براتيسلاۆا ولكەسىنىڭ تۇرعىندارى قولداعان (%73,74).

سايلاۋعا 5,44 ميلليون تۇرعىنى بار ەل سايلاۋشىلارىنىڭ %41,8 ى قاتىسقان.

زۋزانا چاپۋتوۆا 1973-جىلعى 21- ماۋسىمدا براتيسلاۆادا تۋعان، سونداعى كومەنسكي اتىنداعى ۋنيۆەرسيتەتتىڭ زاڭ فاكۋلتەتىن بىتىرگەن.

ز. چاپۋتوۆا زاڭگەر ديپلومىن العان سوڭ ادۆوكات بولىپ جۇمىس ىستەگەن. ول نەگىزىنەن ايەلدەر مەن بالالاردى، مەملەكەتتىك جانە كوممەرتسيالىق كومپانيالاردىڭ قىزمەتكەرلەرىنىڭ قۇقىقتارىن قورعاۋمەن اينالىسقان.