سيفرلىق ريەۆوليۋتسيا بولعان با؟
بۇل ماقالا بۇگىندە الەم بويىنشا كەڭ تالقىعا ءتۇستى، دەپ حابارلايدى قازاقپارات.
«بۇگىنگى تاڭدا سيفرلىق ريەۆوليۋتسيا دەپ ايتىپ جۇرگەنىمىز بار بولعانى جارناما مەن PR ريەۆوليۋتسياسى. ياعني، مادەنيەت يندۋسترياسى بولىگىن قارجىلاندىرۋ ناتيجەسى عانا. پاريج ينستيتۋتىنىڭ ءبىر توپ ماماندارى سيفرلىق ريەۆوليۋتسيانى انىقتاپ، باسقا سالالارداعى ريەۆوليۋتسيا تەرەڭدىگىن زەرتتەپ كورۋگە تىرىستى. مىسالى، قوعامدىق سالا، الەۋمەتتىك سالادا سيفرلىق ريەۆوليۋتسيا بولعان با؟ وعان ماكروەكونوميكالىق دالەل كەلتىرۋگە بولا ما؟ مىنە، زەرتتەۋ اۆتورلارى وسى سۇراققا جاۋاپ ىزدەپ كورگەن»، دەپ جازادى باسىلىم. اۆتوردىڭ ايتۋىنشا، 1987-جىلى ەكونوميكا بويىنشا نوبەل سىيلىعىن العان روبەرت سولوۋ ءبىز كومپيۋتەرلەردى جان جاعىمىزدان كورگەنىمىزبەن، ءوندىرىس ستاتيستيكاسىندا بايقامايتىنىمىزدى ايتقان.
«تەحنولوگيا جەتىلگەن سايىن ءوندىرىس ارتتى دەپ ويلايمىز. دەگەنمەن، ناقتى ستاتيستيكاعا قاراساق، تەحنولوگيالار ەنگىزىلگەننەن كەيىن ا ق ش- تاعى ءوندىرىس كولەمى كەرى كەتكەن. بۇل 1980-جىلدان بەرى جالعاسىپ كەلە جاتقان تەندەنتسيا» دەپ جازادى اۆتور. ونىڭ ايتۋىنشا، سيفرلىق ريەۆوليۋتسيا باستى ماكروەكونوميكالىق كورسەتكىشتەرگە اسەر ەتپەگەندىكتەن، سيفرلىق ريەۆوليۋتسيا بولدى دەپ كەسىپ ايتۋعا بولمايدى.
