نەمىس عالىمدارى توسەكتە جاتىپ اقشا تابۋعا كەرەمەت مۇمكىندىك جاساماق

None
None
نۇر-سۇلتان. قازاقپارات - نەمىس عالىمدارى ەكى اي بويى توسەكتەن تۇرماي جاتۋعا كەلىسەتىن ەرىكتىلەرگە 16500 ەۋرو مولشەرىندە اقى تولەمەك.

بۇل تۋرالى euronews.com حابارلادى.

ەكسپەريمەنتتى كەلندەگى عارىشتىق زەرتتەۋلەر ورتالىعى ۇيىمداستىرىپ وتىر. وسى ارقىلى عالىمدار ۇزاق ۋاقىت بويى كولدەنەڭ جاتقان ادام اعزاسىنداعى وزگەرىستەردى تۇسىنۋگە ارەكەت جاساماق.

ءبىر بەلگىلىسى، ۇزاق ۋاقىت بويى سالماقسىزدىق كۇيىندە بولۋ سۇيەكتەر مەن بۇلشىقەتتەردىڭ اتروفياسىنا سەبەپ بولىپ، جۇرەك-قان تامىرى بەلسەندىلىگىن باسەڭدەتەدى، اعزاداعى سۇيىق دەنەنىڭ جوعارعى بولىگىنە قوزعالۋعا ۇمتىلادى. بۇدان بولەك، قيمىلسىز جاتا بەرۋ باستىڭ اينالىپ، جۇرەك اينۋىنا، ۆەستيبۋليارلىق اپپارات جۇمىسىنىڭ بۇزىلۋىنا، جالپى يممۋنيتەت جۇيەسىنىڭ السىرەۋى مەن بەل اۋرۋىنا اكەپ سوقتىرادى.

ەكسپەريمەنتكە بايقاۋ جاريالاعان نەمىس اەروعارىش اگەنتتىگى 60 كۇن بويى قيمىلسىز جاتۋعا كەلىسىم بەرەتىن 12 ەر ادام مەن 12 ايەلدى ىرىكتەپ الماق.

ايتا كەتەيىك، ەكسپەريمەنت دايىندىق كەزەڭىمەن بىرگە 89 كۇنگە سوزىلادى.

 

سوڭعى جاڭالىقتار