بالۋان شولاق فيلمىنىڭ ترەيلەرى جاريالاندى
«ءسۇيىنشى، اعايىن! مادەنيەت جانە سپورت ءمينيسترى لاۋازىمىنا ارىستانبەك مۇحامەدي ۇلىنىڭ تىكەلەي تاپسىرىسىمەن قازىعۇرت» كينوستۋدياسى تۇسىرگەن «بالۋان شولاق» كوركەم ءفيلمى جارىققا شىعادى»، - دەپ جازدى مادەنيەت جانە سپورت مينيسترلىگىنىڭ باسپا ءسوز حاتشىسى ايدار قىرىقباي ءوزىنىڭ فەيسبۋك پاراقشاسىندا فيلمنىڭ ترەيلەرىن جاريالاي وتىرىپ.
ەسكە سالا كەتسەك، فيلم رەجيسسەرى نۇرگەلدى سادىعۇلوۆ بۇدان بۇرىن قازاقپارات تىلشىسىنە «بالۋان شولاق» فيلمى جايلى تولىعىراق ايتىپ بەرگەن بولاتىن.
«بالۋان شولاق» فيلمى 18 -ساۋىردە جالپىۇلتتىق پروكاتقا شىعادى. كينو ءتۇسىرىلىمى بارىسىندا گرافيكا جاعىنان قينالدىق. سەبەبى، اكتەر ەركەبۇلان دايىروۆتىڭ ساۋساقتارىن «كەسۋ» كەرەك بولدى. ءار كادردا تۇتاس ساۋساقتارى كورىنىپ قالعاننان كەيىن بالۋان شولاققا ۇقساتۋ ءۇشىن ءاربىر كادر بويىنشا جەكە گرافيكالىق جۇمىس اتقارۋعا تۋرا كەلدى. فيلم 2017 -جىلى تۇسىرىلە باستادى. ءسويتىپ، سول جىلدىڭ كۇزىندە مونتاجعا كىرىسىپ كەتتىك. وتكەن جىلى مونتاج اياقتالعاننان كەيىن ءدال وسى گرافيكالىق جۇمىستار ءبىرشاما ۋاقىتىمىزدى الدى»، - دەيدى نۇرگەلدى سادىعۇلوۆ.