جامبىل وبلىسىندا ەكى جىل بۇرىن جانارماي بەكەتىن توناعان ازامات ۇستالدى

None
None
تاراز. قازاقپارات - جامبىل وبلىسىنىڭ ءتارتىپ ساقشىلارى 2017 -جىلى جاسالعان قاراقشىلىق شابۋىلدى جاساعان ازاماتتى قولعا ءتۇسىردى، دەپ حابارلايدى قازاقپارات.

جامبىل وبلىستىق پوليتسيا دەپارتامەنتىنىڭ حابارلاۋىنشا، 2017 -جىلدىڭ قاراشاسىندا بايزاق اۋدانىنىڭ جانارماي قۇيۋ بەكەتىنىڭ وپەراتورىنا قارۋلى قاراقشىلىق شابۋىل جاسالعان. شابۋىلدى ۇيىمداستىرعاندار 110 مىڭ تەڭگەنى الىپ، كوزدەن تاسا بولعان.

 «وسى ۋاقىت ارالىعىندا جەدەل-ىزدەستىرۋ شارالارى جۇرگىزىلدى»، - دەپ حابارلادى جامبىل وبلىستىق پوليتسيا دەپارتامەنتىنىڭ باسپا ءسوز حاتشىسى گۇلسارا مۇحتارقۇلوۆا.

ونىڭ ايتۋىنشا، وسى وقيعا بويىنشا كوپتەگەن ايعاقتار مەن ماتەريالدار جينالىپ، قىلمىستىق ارەكەتتى بايزاق اۋدانى سارىكەمەر اۋىلىنىڭ تۇرعىنى جاساۋى مۇمكىن دەگەن كۇدىك تۋدى.

«ول ءوز كىناسىن تولىق مويىنداپ، تاراز قالاسىنىڭ ۋاقىتشا ۇستاۋ يزولياتورىنا قامالدى. شابۋىلعا قاتىسقان وزگە ادامدارعا قاتىستى تەكسەرۋ امالدارى ءجۇرىپ جاتىر. وكىنىشكە قاراي بۇل وڭىردە جانارماي بەكەتىنە جاسالعان شابۋىلداردىڭ العاشقىسى ەمەس»، - دەدى باسپا ءسوز حاتشىسى.

ونىڭ ايتۋىنشا، اتالعان فاكتى بويىنشا، ق ر ق ك-نىڭ 192 -بابى، 2 -بولىگى بويىنشا سوتقا دەيىنگى تەرگەۋ شارالارى باستالدى.

 

سوڭعى جاڭالىقتار