18:07, 29 - ناۋرىز 2019 | GMT +6
الداعى كۇش كۇنگە اۋا رايى بولجامى
نۇر-سۇلتان. قازاقپارات - سينوپتيكتەر قازاقستاندا 30 -ناۋرىز - 1 -ءساۋىر ارالىعىندا اۋا رايى قانداي بولاتىنىن ايتتى، دەپ حابارلايدى قازاقپارات.
«كوكتەمگى كۇن ساۋلەسىنىڭ ارتۋىنا بايلانىستى اۋا تەمپەراتۋراسى جىلدام كوتەرىلۋدە. قازاقستاننىڭ بۇكىل اۋماعى قار جامىلعىسىنان تازاردى دەۋگە بولادى. تەك قيىر سولتۇستىك وبلىستاردا، شىعىس جانە وڭتۇستىك- شىعىس وڭىرلەردەگى تاۋلى اۋدانداردا عانا قالدى. ءبىراق ول دا جىلدام ەرىپ جاتىر»، - دەلىنگەن «قازگيدرومەت» حابارلاماسىندا.
كوكتەمدەگى سيكلوندار مەن انتيسيكلونداردىڭ جىلدام اۋىسۋىنا بايلانىستى اۋا رايى دا قۇبىلمالى بولادى. سوندىقتان الداعى ءۇش كۇندە قازاقستاننىڭ وڭتۇستىگىندە جاڭبىر جاۋىپ، نايزاعاي وينايدى، ال كەي وڭىرلەردە قىسقا ۋاقىتقا بولسا دا، كۇن جاۋىن-شاشىنسىز، جىلى بولادى.
